←  Jeremiah (8/52)  →
1. LALPAN hieng ang hin a hril: "Chu pha chun Juda lalhai ru dam, hotuhai ru dam, thiempuhai ru dam, zawlneihai ru dam, Jerusalema chenghai ru dam chu an thlana inthokin la suok an tih.
2. Ngaina taka an rong an bawl, an zui, an rawn le biek hlak nisa le thla le vana arasihai hmua chun an ruhai chu phor suok an ta, la khawm an ta, phum nawk ta naw ni hai a, hnuoia hmunhnok deng bum angin indar a tih.
3. Hi hnam suol tak la um sun po po, ka hnot darna hmuna la chambanghai chun dam nekin thi thlang lem an tih ti hi Iengkim LALPA thu suok a nih.
4. Chuong naw khom chu an kuomah,LALPA chun hieng hin a tih:Mi an tlu pha, tho ta loin,An um song hlak am a ni?An pet hmang pha, kir ta loin,An liem song hlak am a ni?
5. Ieng leia hi mihai hi,An pet hmang hlak am a na?Ieng leia Jerusalem hi,A pet hmang hlak am a na?Lam indik lo hraw tlatin,Hung kir zai hrim an rel nawh.
6. Na sitin ka ngaithlak a,Thudik hril an um der nawh."Iem ka thaw leh?" an ti a,An suol an bansan nuom nawh.Indonaa sakor lim angin,An lampui tieng seng an tlan.
7. Chungleng tuivaarngo chun,Hunbi inthlak a hriet a,Vathu, vamur le kanghlai ha'n,An inpem hun ding an hriet.Keima mihai ruok hin chu,LALPA thuruot an hriet nawh.
8. Iengtin am 'Mi var kan nih,LALPA dan koltu kan nih'In ti ngam hrim hrim a na?In lekhaziektuhaiin,An kawlom khelhlip hmanga,An hlem lei cheu a ni kha.
9. Mi varhai chu inzakin,Chi-aiin man tuok an tih.LALPA thu an hnawl si chun,Ieng varna'm nei tang an ta?
10. Chuleiin mi dang kuomah,An nuhmeihai peng ka ta,An in le lohai khom chu,Mi dangin chang tang an tih.A chin tak le lien tak chenin,Duamna ringotin an sip a,Zawlneihai le thiempuhai khom,Mi hlem ringot a nih an thaw.
11. Ka mihai hliempui tuor chu,Rundalin an tuompek a,'Dam a tih, dam a tih' an ta,A dam chuong teu teu si nawh.
12. An chang dan luoksuokum chu,An inzapui der naw maw? Inzapui teu teu lo e!An hmai a tim naw hrim hrim.Chuleiin, a tluhai lai,Anni khom tlu veng an ta,Anni ka hrem huna chun,Pei thlakin um vong an tih'Tiin LALPA chun a hril.
13. LALPA chun hieng hin a hril:"Sik ding nei der naw ni hai,Grep hrui ra naw ni a,Theichang ra bok naw ni a,A hnahai vuoi vong a tih.An kuoma ka pek po khom,La kirpek nawk vong ka tih"Ti hi LALPA thu suok a nih.
14. Ieng leia inhawr khawma,Ei thung zing el am a na?Thaw ro, kul nei khuoa hai,Thi dingin tlan khawm ei tiu!LALPA ei Pathien hlak chun,A lakah ei suol leiin,Tur tui a mi'n dawntir a,Bohmang dinga a ruot sa,Ei ni tawl vong tlat si a.
15. Muongna ei beisei hlak a,Sienkhom thil tha a tlung nawh;Dam hun ding ei beisei a,Thlaphangna chauh ei dong si.
16. Hmelma sakor hnar hnawt ri,Dan a'nthokin ei hriet a,An sakor inhram ri chun,Ram pumpui a sukthin a.A ram sunga um po po,Khawpui le a mi chenghai,Rawt ram dingin an hung ie" tiin.
17. " Nangni lai rul tur neihai,Tu khom khawi ngam thei lo chu,Ka hung tir tawl ding a na,Chuonghai chun chuk an ti cheu"Ti hi LALPA thu suok a nih.Jeremia'n Jerusalem a ta
18. Ka hlimna a hung chuoi a,Lungngainan a mi tuom a,Ka lung a na ngawi ngawi a.
19. A ram dung le khanga cheng,Ka mihai tap ri chu ngai ro:'Zion-ah LALPA a um naw maw?A sungah a Lal a um naw maw?"Tia an tap khek ri chu."An milim siem fawmhai leHnam dang pathienhai bein,Ieng leia ka lungsenna,An cho phawk hrim am a na?"
20. "Bu sik hun a liem ta a,Nipui khom a tawp ta a,Sandam ei la ni si nawh"Tiin mipui an beidong.
21. Ka mihai an hliem changin,Kei khomin ka tuor ve a,Hrilhaiin ka sunpui hlak.
22. Gilead-ah thing hnai damdawi,A um hlol naw a ni maw?Chu taka chun sukdamtu,A um ve naw am a ni?Ka mihai hliempui tuor hi,Ieng leia a dam thei naw?
←  Jeremiah (8/52)  →