←  Jeremiah (6/52)  →

---

1.

"Nangni Benjamin thlahai,Himna zongin tlan hmang ro,Jerusalem suoksan ro!Tekoa-hai hril dingin,Tawtawrawt chu mut unla,Beth-Hakerem-ah puong dar ro!Hmar tieng panga inthokin,Sietna a hung inthok ie,Tlaksietna rapthlak tak chu.

2.

Zion naunu hmel tha leInno chu suksieng ka tih.

3.

Ama chu hung do dingin,Berampuhai chu hung an ta,An beram ruol hung thuoi an ta,A velah puon in kei an ta,An nuomna sengah um an tih.

4.

"Do dingin inbuotsai ro khai!Tho ro, sunchangah bei ei tiu!Sienkhom, a va hang poi ngei de!Nisa a tla dier dier ta a,Ni hlim khom a sei ta hle hi.

5.

Thaw ro, zanah bei lem ei tiu,A kulhai ei suksiet ding a nih."

6.

Iengkim LALPA chun a hril:"A thinghai phur thlu unla,Jerusalem inhuolna dingin,A velin hnuoi sung pawng ro.Neksawrnaa sip khawpui hin,Hremna a tuor ngei ding a nih.

7.

Tuikulah tui a put angin,Khawlona a phu suok zing a.Inpawngnekna le inroknahai,A sunga hin a hluor a;A natna le hliemna tuorhai,Hmu ding a um zing a nih.

8.

Aw Jerusalem, fimkhur hle la,Ka zilna che hi poisa rawh;Chuong an naw chun nghatsanin,Hmun rausanah siem ka ti che a,Hluotu hrim nei naw ti nih."

9.

Iengkim LALPA chun hieng hin a tih:Israel mi hlaa um sunhai chu,Grep ra i lo fai kel angin,An rengin rut khawm vong la,A kau tin chu kuta maiin,A rengin lo fai kel rawh."

10.

Tu am bein, fimkhur dingin,Ka'n hriettir ta ding a na?An ngaithlak nawna dingin,An nahai an sukset a,LALPA thu chu an ta dingin,Ngai nghokum a'n chang ta a,An hlimpui ta hrim hrim nawh.

11.

Sienkhom LALPA lungsennan,A mi hluo sip tlat leiin,Insum harsa ka ti a nih."Khawlaia naupang ruol leTlangval pungkhawmhai chungah,Bun suokin hrikthla el rawh;Nupa khomin tuor an ta,Upa, tarkuna damhai khomin.

12.

Chu rama chenghai chunga,Ka kut hi kan let pha chun,An in le lo le nuhmeihai,A rengin chan vong an ta,Mi dangin neipek an tih"Ti hi LALPA thu suok a nih.

13.

A chin taka inthokaA lien tak chenin tu khom,Duamnain an sip a,Zawlnei le thiempuhaiin,Mi hlem ringot an thaw a.

14.

Ka mihai hliempui tuor chu,Rundalin an tuompek a,'Dam a tih, dam a tih' an ta,A dam chuong teu si naw a.

15.

An chang dan luoksuokum chu,An inzapui der naw maw? Inzapui teu teu lo e!An hmai a tim hrim hrim nawh.Chuleiin, a tluhai lai,Anni khom tlu veng an ta,Anni ka hrem huna chun,Pei thlakin um vong an tih'Tiin LALPA chun a hril.

16.

LALPA chun hieng hin a tih:"Lamthuomah ngirin en ro,Lampui hlun chu indon ro,Lampui tha indon suok unla,Chu lampui chu hraw unla,Chu chun in thla muong a ta,Chawl hadamna hmung in tih."Amiruokchu, nangni chun,"Hraw nawng kan tih" in ti si.

17.

Nangni enkaitu dingin,Ralvengtuhai ka sie a,"Tawtawrawt ri ngaithla ro"Tiin ka hril diem cheu a,Nisienlakhom, nangni chun,'Ngaithla naw ning' in ti si.

18.

An chunga thil tlung ding chu,Aw hnamhai, ngaithla unla,Hrepuituhai, en chieng ro.

19.

Aw leihnuoi, lo ngaithla rawh,Hienghai chunga hin sietna,Ka hung intlun ding a nih,An thil phanhai ra ngei chu;Ka thuhai ngaithla loin,Ka danhai an hnawl si a.

20.

Seba a'nthoka rimtui le, Ram hlaa mafu hmui chu,Iem a na ka thlakhla ding?In pumraw thilhlanhai chu,Lawm tlakah ka ruot naw a,In inthawinahai khom chun,A mi suklawm chuong bok nawh."

21.

LALPA chun hieng hin a tih:Hieng mihai lampuia hin,Tlukna ka sie ding a nih.Pahai le naupahai chu,Inpal thlu rem rum an ta,Tuolbawmhai le ruolhai khom,Tlu hlum rem rum tawl an tih.

22.

Hi hi LALPA chun a hril:Hmar tieng rama inthokin,En rawh, sipai an hung saw;Hnuoi kila hnam ropui chu,Chok thoin a um mek tah.

23.

Thal ngul le fei an chawi a,An kolin za an ngai nawh.Sakora an tlan ri chu,Tuipui inrum ang a na,Ralthuom an inbel vong a,Do ding chea hung an nih,Aw, nang Zion naunu."

24.

An riva kan lo hriet a,Kan kuthai a zoi zo tah.Lungngainan a mi man a,Nau hase tuor ang kan nih.

25.

Ram tieng fe suok naw unla,Lampuiah invak naw ro,Hmelmahan kawlhnam an chawi,Kil tinah ral an hung lien.

26.

Aw ka mihai, saiip silin,Vut lai intal ta ro khai;Naupa mal chan ang topin,Sunin tap rak rak ta ro,Sawt nawteah suksetu'n,A mi nang thut ding a nih.

27.

"Thir fietuah ka siem che a,Ka mihai hi kapathir an na,Fiein an lampui inchieng rawh.

28.

An rengin hel hmang an na,Mi hrilsiet an hmang bok a,Dar le thir ang hi an na,An thilthawna iengkimah,Ngharek an kai vong a nih.

29.

Pum zaptun a zap ling a,Suon chu a'n tui ral vong hlak.Annihai rawi ruok hi chu,Mi suolhai pei vong naw chun,Sukthieng tum a tangkai nawh.Tangkaruo ek sie ang a,LALPA hnawl hnung an ni si.

30.

(A um nawh)

---

←  Jeremiah (6/52)  →