←  Jeremiah (51/52)  →
1. LALPA chun hieng hin a tih:Ngai ta, Babulon chunga leLeb Kamaie mihai chunga chun,Suksetu chu tir ka tih.
2. Babulon chu sep fai ding leA ram sukse vong dingin,Ram dang mi hung tir ka tih.A siet ni a tlung pha chun,Sir tinah inhuol an tih.
3. Thal kaptuin a thalngul,Kuoina hman nei naw ni a,Thir zakuo hak hman naw nih.A thalaihai hla nei der naw la,A sipaihai rawt chimit rawh.
4. Kaldai ramah that teu an ta,Kotthlerah inthal phung an tih.
5. Israel Mi Thienghlim hmaah,A ram chu suolin sip sien khom,Pathien, Iengkim LALPA chun,Israel le Judahai chu,A maksan tawl ngai si nawh.
6. "Babulon chu tlansan ro,In hringna hum di'n tlan ro!A suolna thi pha naw ro.LALPA thungrul hun a na,A phu ang tak hmung a tih.
7. Babulon chu LALPA kutaRangkachak no ang a na,Chu chun hnuoi pum a'n ruitir a;Hnamhan a uoiin an dawn a,An inhai hmuol vong a nih.
8. Babulon tlu dar thut a tih.Ama chu ta rak rak ro!A hung dam thei takduoiin,Thinghnai damdawiin zut ro.
9. "Babulon sukdam ka tum a,Sienkhom a dam thei si nawh;Chuleiin, mani ram sengah,Ama chu maksan ei tiu.A thiem nawna'n van a tong a,Van sanga sum a hang tong.
10. 'LALPA chun a mi'n thiem tah.LALPA ei Pathien thilthaw hi,Thaw ro, Zion-ah puong ei tiu.'
11. Thalhai chu tat ngei unla,In phawhai chu chawi seng ro!Babulon suksetu dingin,Media lalhai lungril chu,LALPAN a chok tho a nih.LALPAN phuba lang a tih,A tempul phuba ngei chu.
12. Babulon kul bang ep-a chun,In puonzar chu khai unla,Vengtu tam lem sie unla,Enthlatu sie bok unla,Lambun dingin inring ro!Babulon mihai chunga,LALPAN thaw a tumhai chu,A hung hlen suok ding a nih.
13. Nang tui tam tak laia cheng,Sum le pai hau em emtu,I tawpna chu a tlung tah,I nun hrui sat chat ni chu.
14. Iengkim LALPA chun maniInsal meuin thu a'n kham a:Khau hon anga tam mihriem,I lakah hung tir ka ta,Hlado insam khum an ti che.
15. A theinain hnuoi a siem a,A varnain khawvel a'n din a,A remhrietnain van a zar a.
16. A rawl a hung insuo pha,Vana tui an ri dur dur a;Kawl kilah sum a'n suoktir a,Ruo a sur a, kawl a'n lep a,Thli chu a bawma inthokin,A hung insuo hum hum a.
17. Mi tin chu an chawlol a,Hrietna hrim an nei naw a,Rangkachak sertuhai chu,An milem serin a sukzak a,An milemhai chu thuok nei lo,Inhlemna thil mei mei an nih.
18. Tlaktlaina an nei naw a,Mi nuizatbur vong an na,An chungthu rel a ni pha,An la bohmang ding a nih.
19. Jakob Chanvo ve ruok chu,Chuong ang chu a ni ve nawh.Thil iengkim Siemtu a nih,A rohluotu hnam chenin;A hming chu Iengkim LALPA.
20. Raldonaa ka hembawk,Ka hriemhrei chu nang i nih:Hnamhai le lalramhai chu,Nangma hmangin ka sukdar a,
21. Sakor le a chung chuonghai,Tawlailir le a khaltuhai chu,Nangma hmangin ka phin dar.
22. A nuhmei a pasalin,Putar le tleirawlhai dam,Nunghak le tlangvalhai dam,Nang le chu ka ngam vong a,
23. Berampu le ran ruolhai,Loneitu le bawngchalhai,Ram optu le thoktuhai,Nang le chu ka thuhne vong.
24. "Babulon le Kaldai mihaiin,I mithmu ngeia Zion chungaThil tha lo an thaw po po chuKa thungrul ngei ding a nih,"Ti hi LALPA thu suok a nih.
25. "Aw nang suksetu tlang lien,Khawvel po po suksetu,Ka khing che a nih" ti hiLALPA thu suok chu a nih."I chungah kut thlak ka ta,Rawlah inhlum ka ti che a,Tlang kang hawpah siem ka ti che.
26. In kila a lungphum dingin,I lung lak ni ngai naw ni a,Inthuta rem ding khomin,I lung la ngai naw ni a,Kumkhuon rausan ning i tih"Ti hi LALPA thu suok a nih.
27. "A ramah puonzar khai la,Hnamhai lai tawtawrawt mutin,Ama do ding hnamhai buotsai la,Ararat le Minni le AskenazRamhai hi inpung khawm la,An kawmandar ding ruot la,Khau hon anga tam sakor,Anni bei dingin tir rawh.
28. A do ding hnamhai buotsai la,Media lalhai, ram optuhai,Thoktuhai le an ram ophai leh.
29. Ram chu na tuorin a'n thin a,Babulon sukram der a,Hluotu nei ta loa siem chu,LALPA tum tlat chu a nih.
30. Babulon ralhrathai chun,An raldo lai chu an bang a,Kulpui sungah an intom a,An pachangna a hung re a,Thaiduopah an inchang zo a;An inhai a kang dur dur a,Kotpui kalnahai a tliek a.
31. Khawpui po po an lak thu,Babulon lal hril dingin,Zuolko an tlan zur zut a,Tirhai chu an insulpel zut zut.
32. Vadung kaihai an lak a,Phairuong bil chu an raw a,Sipaihai an zam zo tah.
33. Iengkim LALPA,Israel Pathienin hieng hin a tih:"Babulon naunu chan chun,Hrizawla bu chil lai a ang!Bu anga an chil hrep hun chu,A hung tlung ding a ni si a.
34. "Babulon lal Nebukadnezzarin,A mi lem zo vong tawl a,Phin darin a mi sukchi-ai a,Bel angin a mi bun suok a,Rulpui angin a mi dol a,Inhnik a tizawng po poin,A phingpui a sukkhop a,Chu zoah a mi luok suok a.
35. Zion tlanga chenghai chun,'Kan chunga a thaw angin,Babulon chungah tlung sien,Soisakna tuor ve raw se' ti sien,Jerusalema chenghai khomin, 'Kan thisen maw po po chu,A chungah tla vong raw se" ti sien.
36. Chuleiin, LALPAN hi hi a hril:"Ngai ta, nangma tan ka ti che a,I phuba khom lapek ka ti che;A tuipui sukkang vong ka ta,A tuikhur khom sukkang ka tih.
37. Babulon chu tlu ram a ta,Sihalhai tuol lengna hmun,Mi makti le inchek khum,Tu cheng nawna hmun ning a tih.
38. Sakeibaknei vang lai angin,A mihai an inhuk dum dum a,Sakeibaknei tehruoi angin,Mi an inngur khum hlak a.
39. An inrawp zuol lai takin,An ruoi ding buotsai ka ta,Khuo hre loin hrai rui ka ta,Hlimin innui khek an ta,Chu zoah tho ta lo dingin,Kumkhuoin in tang an tih"Ti hi LALPA thu suok a nih.
40. "That ding beramte angin,Beramchal le kelchal angin,Anni chu thuoi hmang ka tih."
41. Khawvel uongpui Sesakf chu,An la man ruou ding a na,Babulon chu hnam tin lai,Mi pangzat hung kai a tih.
42. Babulon chungah tui lien a ta,Tui fawn sangin chim pil a tih.
43. A khawpuihai chu rausan khuo,Thlaler ram tawl, mi cheng nawna,Khuolzin tu khom sir lona hmun,Hung inchang vong tang a tih.
44. Babulona Bel chu hrem ka ta,A lo dol tah po po khom,Inluok suoktir nawk ka tih.Hnamhan hung bel ta naw ni a,Babulon kul bang chu chim a tih.
45. "Ka mihai, hung suoksan ro!Hringna hum di'n tlan suok ro!LALPA lungsenna tium lakah,Insanhim di'n tlan suok ro.
46. Thuthang a hung inleng pha,Zam naw unla, ti bok naw ro.Tu kum thuthang lo hrieng in ta,Kum nawk thuthang hre bok in tih,Ram sungah inpawngnekna thu leLal le lal insuol ri a'n thang.
47. Babulona an milemhai,Ka hrem ni la tlung ngei a ta,A ram pumin muolpho a ta,Mi ka sukhlumhai po po chu,A bulah tlu phung an tih.
48. Hmar tieng panga inthokin,Suksetuhan hung run an ta,Hnuoi le van le a sunga mihan,Babulon siet tuok lawm an tih"Ti hi LALPA thu suok a nih.
49. Israelhai a that teuh leiin,Babulon chu tlu ngei a tih,Khawvel puma mi tam tak,Thina intluntu a ni si a.
50. Nangni kawlhnam pumpeltuhai,Muongchang loin tlan suok ro!Ram hla taka inthok khomin,LALPA chu hre zing unla,Jerusalem theinghil naw ro.
51. "LALPA in, hmun thienghlimah,Ram dang mi an lut leiin,Kan muolphona chunga chun,Inzakin kan hmai a mawk."
52. "Sienkhom a ram pumpuia,An milemhai ka hrem ni chu,A la hung tlung ding a na,Hliem tuorin inrum an tih,"Ti hi LALPA thu suok a nih.
53. Babulon chun van tongin,A kulhai suknghet sien khom,Suksetu ding hung tir ka tih"Ti hi LALPA thu suok a nih.Babulon siet ding thu
54. Babulona inthoka tap ri,Kaldai ramin sietna rapthlak,A tuok ri chu ngaithla ro.
55. LALPAN Babulon sukmit a ta,A vaupum ri na tak chu,A hung hmet dei ding a nih.Tuipui fawn insok angin,Hmelma lungsen sosang a ta,An ri chu thangkhawk a tih.
56. Suksetu chun Babulon,A hung bei ngei ding a na,Pasalthahai man a ta,An thlahai suktliek a tih.LALPA, Thungrultu Pathienin,La thungrul ngei ngei a tih.
57. A hotuhai le a mi varhai,Optuhai le thangpuituhai,An pasalthahai khom chu,An rengin hrai rui ka ta,In song an ta, har ta naw ni hai"Tiin Laltak chun a hril a,A hming Iengkim LALPA a nih.
58. "Babulon kul sa tak chu,A la tlu hmat ding a na,A kotkhar insanghai khom,A la kang hmang ding a nih;Hmang loin mipuihai chu,An insuksawl mei mei a,An hnam sininrimna chu,Meia ti ding chauh a nih"Iengkim LALPA chun a tih.
59. Hi hi Juda lal Zedekia inlala inthoka kum linaa Babulon tienga Zedekia le fe ve Seraia kuoma zawlnei Jeremia-in thucha a pek chu a nih. Seraia chu lal in enkoltu lu tak a na, a pa chu Maseia naupa Neria a nih.
60. Jeremia chun Babulon chunga sietna hung tlung ding po po chu inchikin lekha zielah a ziek thlak vong a.
61. Ama chun Seraia kuomah, "Babulon i tlung pha leh hieng thuhai po po hi tiem ngei la,
62. Aw LALPA, hi hmun hi kumkhuoa mi le sa cheng ta lona dinga i sukram ding thu chu i lo hril tah hi' ti rawh.
63. Chun, hi lekha ziel hi i tiem zo pha lungtum leh khit de la, Eufretis vadungah pei la,
64. Babulon chu hieng ang hin a mi chenghai leh la pil a ta, a chunga sietna ka hung intlun ding lei chun tho nawk ta ngai naw nih' tiin i hril ding a nih" a ta. Hi po hi Jeremia thu chu a nih.
←  Jeremiah (51/52)  →