←  Jeremiah (50/52)  →
1. Babulon le Kaldai ram chungthua Jeremia hmanga LALPA hrilhai chu:
2. "Hnam tin lai hrilin puong rawh,Puonzar khaiin puong suok rawh,Ieng khom ip nei der naw rawh. Hieng hin i hril ding a nih:Babulon chu tlawm a ta,Beld chu muolpho der a ta,Titnan Marduk sip a ta,A hmel chu inzak a ta,A limhai thlaphang an tih.
3. Hmar tienga hnam pakhatin,Ama chu hung do a ta,A ram suktlaran a ta,Tu khom cheng ta naw ni a,Mi le sa zam hmang an tih.
4. "Chu hun le ni a tlung pha,Israel le Judahai chu,Hung insuikhawm tang an ta,LALPA an Pathien zongin,Tap pumin hung pan an tih.
5. Zion lampui indonin,Zion tieng ngha tang an ta,Hungin LALPA chel an ta,An theinghil ta ngai lo ding,Kumkhaw thuthlung thlung an tih.
6. Ka mihai chu beram angin,An lo inhmang zo ta a,Berampuhan thuoi suolin,Tlanga hai an invak hmang a.Muol le tlang dungahai chun,An invak dar ta vong a,An huong khom an hriet ta nawh.
7. A hmu hmun an lo fak a,'Ieng poi khom kan tawk der nawh,LALPA, an tlatna huongpui,An thlatuhai beisei chu,An suol hmangsan lei a nih'Tiin an ralhan an hril.
8. "Babulon chu tlansanin,Kaldai ram chu maksan ro,Kel ruol thuoitu kelchal ang,Nangni khom hung ni ta ro.
9. Babulon hung bei dingin,Hmar tienga hnam ropuihai,Suikhawmin chok tho ka ta,Ama chu hung ep an ta,Hmar tieng panga inthokin,An hung lak ding a ni si.Kut ruoka kir ngai der lo,Ral do thiemhai thal angin,Hlawsama kir um naw nih.
10. Babulon chu rok an ta,A roktuhai tlai an tih,"Ti hi LALPA thu suok a nih.
11. Nang ka rochanhai roktu,Bu chiltu bawngla tuoi angin,Bupawl lai invel kuolin,Sakorchal inhram angin,Hlima lawmin um la khom,
12. I nu la'n zak hleng a ta,A hringtu che hmaimawk a tih-Hnamhai laia hnuoihnung tak,Thlaler ram tawl le fil ang,I la ni ding a ni si a.
13. LALPA lungsenna leiin,Hluoin um ta naw ni a,Rausan derin um a ta,Babulon sir taphotin,A hliemna zozai lei chun,Pangzatin diriem an tih.
14. Thalngul chawituhai poin,Babulon inhuol unla,Kap ro, in thal ren naw ro,LALPA lakah a suol si a.
15. Sir tinah hawhaw'n nor ro:Ama ngei a hung inpek,A ralvengbuk a tlu ie!A kul bang a chim dur dur.LALPA thungrul ni a na,Mi a thaw dan ang charin,A chungah phuba la ro.
16. Babulona inthokin,Chi thetu le bu attuhai,An rengin hnot hmang unla,Hung nektu kawlhnam tiin,An mihai umna panin,An ram tieng tlan seng raw se.
17. Sakeibaknei hnot dar angin,Israelhai chu an tlan dar a;Asuria lalin a fak hmasa phot a,A tawpa an ru chen kheltu chu,Babulon lal Nebukadnezzar a nih.
18. Chuleiin, Israelhai chungthua chun Iengkim LALPA, Israel Pathien chun hieng hin a tih:"Asuria lal ka hrem ang khan,Babulon lal le ram hrem ka tih.
19. Sienkhom Israel ruok chu,A tlatnaah thuoi kir ka ta,Karmel tlang le Basan ramah,Efraim le Gilead muolah,Khop takin tla nawk a tih.
20. Chu hun chu a tlung pha chun,Israel bawsietnahai chu,Zong suok tumin dap an ta,Sienkhom ieng khom um naw nih.Juda suolna hrim hrim khom,Hmu ding um ta bok naw nih,A dam sun, ka hlahai chu,Ka ngaidam ding a ni si"Ti hi LALPA thu suok a nih.
21. Merathaim ram chu bei unla,Pekod-a chenghai khom chu;Hnotin, thatin, rawt ram unla,Ka thupek ang takin thaw ro"Ti hi LALPA thu suok a nih.
22. A ramah indona ri a so a,Sietna ri rapthlak tak chu.
23. Leihnuoi tubo lien tak el,Babulon chu a koi dar a,A va hang se nasa de aw!Hnam tin lai Babulon chu,A va hang ram nasa ngei de!
24. Aw Babulon, ka chang kamah,I'n ring hma'n i awk chieng de!Hmu suok le man i ni tah,LALPA chu i khing leiin.
25. LALPA chun a lungsennaHriemhreihai la suok dingin,A ralthuom siena a hong a,LALPA Iengkim LALPAN chun,Kaldai ramah thaw ding a nei.
26. Kawl kil tina inthokin,Ama chu hung bei unla,A sum siekhawmna hong un la,Bu hum angin deng vum ro.Iengkim sukse vong unla,Hla ieng khom nei der naw ro.
27. Ran thatna inah thuoiin,A bawngchal tuoi that vong ro.Hrema an um ni ding chu.A hun a hung tlung ta si a,An chung a va hang pik ngei!
28. A tempul suksetuhai laka,LALPA ei Pathien phuba lak dan,Babulona inthoka tlan suok,Raltlan kirhan Zion tlanga,An hril chu lo ngaithla ro.
29. Babulon beitu dingin,Thal kap thiemhai ko khawm ro.Tlan suok um der lo dingin,A velin inhuol tlat ro.A thilthaw thungrul unla,A thaw angin thaw ve ro,Israel Mi Thienghlim,LALPA chu a khing ngam leiin.
30. Chuleiin, a tlangvalhai,Kotthlera hai tlung an ta,Ni khat thil thu ringotin,A sipaihai chimit an tih"Ti hi LALPA thu suok a nih.
31. Ngai rawh, aw nang mi chapo,Khingin ka do che a nih;I ni ding chu a tlung tah,Hremna i tuor hun ding chu,Iengkim LALPA chun a tih.
32. Mi chapo inpal thlung a ta,Tu khomin kei tho naw nih;A khuohai rawpek ka ta,A vela umhai po po leh,An rengin kang hlum a tih.
33. Iengkim LALPA chun a hril:"Israelhai le Judahai chu,Suknomnatin an um a,Sala mantuhai po po chun,Nghet takin an chel tlat a,An insuo nuom hrim hrim nawh.
34. Sienkhom an Tlantu a hrat,A hming Iengkim LALPA a nih.Ama chun a kul a taia tanin,An ramah muongna intlun a ta,Babulona chenghai ruok chun,Muongna hrim hmu naw ni hai.
35. "Babulona cheng Kaldaihai,An mi lien le varhai chungah,Kawlhnam inlengtir ka tih"Tiin LALPA Pathienin a hril.
36. A zawlnei derhai chungah,Kawlhnam inlengtir ka ta,Mi invet inchang an tih.A pasalthahai chungah,Kawlhnam inlengtir ka ta,Thlabarnain sip an tih.
37. A sakor le tawlailirhai,Hnam dang an sorhai chungah,Kawlhnam inlengtir ka ta,An rengin thaiduop an tih.A ro sie khawlhai chungah,Kawlhnam inlengtir ka ta,A rosumhai rok an tih.
38. A tuikhurhai chunga khom,Kawlhnam inlengtir ka ta,A rengin kang vong a tih,Milem pangzatum tamna,An invetchilna ram a nih.
39. Thlaler ram sakolhai leSatene ruolin hluong an ta,Chingpirinuhai cheng an ta,Hluo ni ta ngai naw ni a,Suon a'nthok suon dang chenin,Tu khom cheng ta naw ni hai.
40. Sodom le Gomorra khuo leAn sevela khuo po po,Sukram a ni vong ang khan,Tu khom um ta naw ni a,Tu khom cheng ta bok naw nih"Ti hi LALPA thu suok a nih.
41. En ta, hmar tienga inthokin,Sipai ruol an hung a ni saw!Hnuoi kil tawpa inthokin,Hnam ropui le lal tam takhai,An hung inthok a ni saw!
42. Phaw le feihai an chawi a,An rawng a, ngil an nei nawh.Tuipui so hum hum angin,Sakor chungah an hung chuong;Ral bei dinga insingsain,Aw nang Babulon naunu,An hung run ding che a nih.
43. Babulon lalin a hriet chun,A kuthai a zoi thla a,Lungngainain a man a,Nuhmei nau hase angin.
44. Jordan ngawa inthokaRan tlatna hmun hringa suokSakeibaknei ang elin,Babulona chenghai chu,Keiman hnot suok thut ka ta,A chunga thuneitu ding,Ka dit ang ang ruot ka tih.Keima ang tu'm an um a?Mi cho thei tu hrim am an um?A tu berampu hrimin am,An mi cho thei ding a na?
45. Babulon le Kaldai chunga,LALPA thaw tum hi ngai ro:Ran tehai chu kei hmang a ta,Ran tlatna hmun po po chuAnni leiin sukram a tih.
46. Babulon tlawm thu riva chun,Hnuoi nghor hning dur dur a ta,A tap ri chu hnam tin lai,A thangkhawk ding a ni si.
←  Jeremiah (50/52)  →