←  Jeremiah (5/52)  →
1. "Jerusalem kotthlera hinA suk a tungin tlan vel la,Tuolzawlahai zong vong la,Indik taka thilthaw hlak,Thutak zong mi pakhat bek,I hmu pal hlauh a ni chun,Hi khuo hi ngaidam ka tih.
2. LALPA hringna salin thu,Intiemin inkham sien khom,Khelin an inkham zing tho."
3. Aw LALPA, thutak i zong a,I vuok tawl a, na an hriet nawh,I rawt nawi, an sim chuong nawh.Lung thir nek a chang hielin,An hmelhai an sukrum a,Sim an tum chuong der naw.
4. Kei chun, "Mi pasie an ni a,An mawlin an invet bok a,LALPA lampui an hriet naw a,Pathienin an thaw ve dingaA tuk chin khom an hriet nawh.
5. An thuoituhai kuomah fein,Anni chu inbiekpui ka tih;Anni chun LALPA danhai lePathien thu tak hrieng an tih"Tiin ka lo ngaituo hlak a.Sienkhom zai khata luongin,An ringkol an suktliek a,An khaidiet an suktan a.
6. Chuleiin, ram palailengah,Sakeibakneiin seng a ta,Thlalera satenen pot chen an ta,An kotah keiten inchan a ta,A suok phot lo pot chen a tih,An hel dan hi a rapthlak a,An hnungtolna a tam bok si.
7. "Ieng leia ka ngaidam ding che?I nauhan an mi nghatsan a,Pathien ni lohai hming chu,Salin thu an inkham a.An mamaw po ka phuhruk a,Sienkhom an mi uiresan a,Nawchizor bukah an intom.
8. Sakor hur chawm thau angin,Mani tuolbawm nuhmei chakin,A tu el khom an inhram si.
9. Hi lei hin ka hrem naw ding maw?Chuong ang hnamhai chunga chun,Phuba ka lak naw ding maw?"Ti hi LALPA thu suok a nih.
10. "A grep huon hang suosam ro,Amiruokchu sukram naw ro.A kauhai sat thla vong ro,LALPA ta an ni si naw a.
11. Israel le Juda sungkuohai chu,Ka lakah an ringum naw hulhuol"Ti hi LALPA thu suok a nih.
12. LALPA chungthuah khel hrilin,"Ieng khom mi law teu naw nih,Sietna ei chungah tlung naw nih;Tam le kawlhnam tuok naw'm ei nih.
13. Zawlneihai chu thli ang chauh,Anniah thu a um nawh;An hrilhai po po khom chu,An chungah tla vong raw se"Tiin an hril hlak a ni kha.
14. Chuleiin, LALPA Iengkim Pathien chun hieng hin a hril:"Chuong chu an hril hlak leiin,I baua ka thuhai hi,Meiah inchangtir ka ta,Meia raw hmang vong dingin,Hieng mihai hi thingherah,Inchangtir tawl vong ka tih.
15. Aw, Israel sungkuohai,Nangni beitu ding cheuin,Hnam danghai hung thuoi ka tih,Tiin LALPA chun a hril.Hnam upa le hnam tlo tak,An tong khom i hriet ngai lo,An hril khom i man phak lo,Ka hung thuoi ding a ni si.
16. An thal bawm thlan inhong ang,Ral hrat khawkheng vong an nih.
17. I lo tharsuok fa ram an ta,I naupa le naunuhai lem an tih.I beram ruol le bawng ruolhai,I grep ra le theichang rahai,Anni chun fa zo an ta,Kul khuo i ringsanhai chu,Kawlhnamin suksieng an tih.
18. "Chuong nia hai khom chun sukchimit nawng ka ti cheu" ti hi LALPA thu suok chu a nih.
19. "Mihaiin, 'Ieng dinga LALPA ei Pathienin hieng thil hi ei chungah a thaw el am a na?' an ti huna chun, 'An mi fesan a, an rama ngei ram dang pathien rong an bawl angin, tu hin mi ramah ram dang mihai rong an bawl ding a nih' tiin la hril in tih.
20. Jakob sungkuo kuoma le,Judai ramah hi hi hril dar rawh:
21. Mi invet le chawlolhai,Mit nei sia hmu thei si lo,Na nei sia hre thei si lohai,Hi thu hi lo ngaithla ro:
22. In mi ti ding an naw maw?Ka hmaah in inthin naw maw?Tuipui ramri dinga tieupho,Kumkhuoa a kan lo ding,Khampektu chu kei hi ka nih.Tuipui fawn invor sienkhom,A kuong a liem chuong naw a,Inri hum hum sienla khom,A ramri a pel ngai nawh.
23. Sienkhom hienghai lungril hi,A lululin a hel a,An tukhnungkhur mi'n nghatin,An mi fesan tah a nih.
24. An lungril suongtuonaah,'Ruo hmasa le ruo nuhnung,A hun taka hung tirtu,Bu sik hun mi ruotpektu,LALPA ei Pathien ngei chu,Ei ti ding a nih' ti nachang,An ngaituonaah a um nawh.
25. In bawsietnahai leiin,Hieng thil hi in chan hlak a,In suolna leiin thil tha,In chang naw pha hlak a nih.
26. Ka mipuihai laia hin,Mi rilo ruol an um a,Vate vetu ang elin,Mihai an inchan ruk a,Chang kamin mi an awk a.
27. Vatea sip bawm angin,An in inhlemnan a sip a,An hung hausa tuol tuol a,Thil an thaw thei deu deu bok.
28. An thau a, an hung nam a.Thil tha naw thawna tiengah,Chin tawk hrim hrim an nei nawh.Fahrahai chan thatna ding,An hrilpek nuom ngai naw a,Pasiehai an tan ngai nawh.
29. Hi lei hin hrem tawl loin,Ka um el ding am a ni?Chuong ang hnamhai chunga chun,Phuba ka lak naw ding maw?"Ti hi LALPA thu suok a nih.
30. Thil rapthlak le pangzatum,Hi rama hin a tlung a:
31. Zawlneihan khel an hril a,Thiempuhan an thu hmangin,Nuom dan danin an rel a,Chuong ang zawnga khawsak chu,Ka mipuihan an lawm si.A tawp iem ni tang a ta?
←  Jeremiah (5/52)  →