←  Jeremiah (48/52)  →
1. Moab chungthua Iengkim LALPA, Israel Pathien hril chu hi hi a nih:Nebo chung a va pik de aw!Sukramin a um ding a ni si a;Kiriathim chu lang an ta,Hmai mawk takin siem an ta,A kulhai sukmuolphoin,An sukchim ding a ni si.
2. Moab hming chu tu khomin,Uongpui ta ngai naw ni hai.Mihai chun Hesbonah,"Hi hnam hi nuoi bo ei tiu"Tiin la phierruk an tih.Aw nang Madmen khuo khom hi,I la chimit ding a nih,Kawlhnamin hnot thlur a ti che.
3. Heronaim rihau chu ngai ta,Sietna rapthlak rihau chu!
4. Moab chu koi dar a ta,A nauhai inchiek ri chu,Zoar chen hre phak an tih.
5. Nasa taka tap pumin,Luhit tungah kai an ta,Horonaim suka hai khom,Thlaphang tap ri inleng a tih.
6. Tlan ro, in hringna ta dingin,Thlalerah inbi hmang ro.a
7. I theina le sumah i'n nghat leiin,Salah man veng an ti che.In pathien biek Khemos chu,A thiempu le rongbawltuhai leh.Salah thuoi hmang bok an tih.
8. Suksetu chun i khawpui tin,A hung run tawl ding a na,A pumpel um naw ni hai.Phai ruom le tlang zawla cheng,Tu khom sukse vong a tih,Ti hi LALPA thu suok a nih.
9. Moab chu machi the khum rawh,Sukram a ni ding si a;A khuohai chu rausan an ta,Hluotu tu khom nei naw nih.
10. LALPA sin ngaithatu chu,Tongsie phurin um raw se;Thisen insuona dingaKawlhnam hmang ngai nawtu chu,Tongsie phurin um raw se!
11. A bela sie tok tok hlak,Uoiin angin Moab chu,Muong takin a um hlak a,Bun suok a tuok ngai naw a,Salah an thuoi ngai bok nawh.Chuleiin a'n hnik zing a,A rim khom a danglam nawh.
12. Sienkhom bun suoktu ding mi,Ka tir ni hung tlung a ta,Anni chun bun suok an ta,An bun suok fai rit pha leh,Bel chu vaw koi vong an tih,Ti hi LALPA thu suok a nih.
13. Israel sungkuohaiin,Bethela an bawng lem biek,An muolphopui ang bok khan,Moab khomin a pathien,Khemos inzapui a tih.
14. Tu cho ruol lo mi ralhrat,Indoa huoisen kan nih'Ieng leia in ti'm a na?
15. Moab chu ram vong a ta,A khuohai chu run an ta,A tlangval tha thahai chu,Indonaah suom an tih,Iengkim LALPA chun a tih.
16. Moab chu a tlu tep a,Sietnan hung nang thut a tih.
17. A kawl hnai vela umhai,A hmingthangzie hretuhai,'Khang anga hmol ropui si.A tliek ruop el hi chu aw!'Tiin ama chu ta ro.
18. Nangni Dibon hraichawihai,In ropuina suoksanin,Hnuoi chara hin hung thung ro;Moab suksetu ngei chun,Nang khom hung bei a che a,I kulhai sukchim a tih.
19. Aroer khuoa chenghai chun,Lamah ngirin thlir vel ro;Pasal hung tlansiehai leNuhmei hung inrelhai chu,'Ieng thil am a tlung ta leh?'Tiin lo indon tawl ro.
20. Moab a muolpho ta ie,A tlu hmat ta vong el ie!Tia sunin tap khek ro.Moab a siet tak thu hi,Arnon-a khom puong dar ro.
21. Rorelna a hung tlung ie,Tlang zawla khuohai chungah-Holon, Jahza le Mefaat,
22. Dibon, Nebo le Beth Diblathaim,
23. Kiriathaim, Beth Gamul le Beth Meon,
24. Keriot le Bozra khuoahai,Moab rama khuo po po,A hnai le kilkhawr chunga chun.
25. Moab ki a rawt tliek a,A ban khom a suktliek bok"Ti hi LALPA thu suok a nih.
26. "Moab chu vai rui der rawhLALPA a khing ngam leiin;A luokah inbuol sien la,Mi nuizatbur kai raw se.
27. Israel chu i ta dingin,Nuizatbur a ni hlak maw?Rukru lai an man sa maw,A chanchin i hril zat a,Hmusit tak le endong a,I lu i thin zie hlak hi?
28. Moab rama chengtuhai,In khawpuihai tlansanin,Lungpui kara bu sep hlak, Vathu angin puk tontirah,Nangni khom bu khuor ve ro.
29. Moab chapozie kan hriet,A hang insie sangziehai,A uongzie le chaltlaizie,A lungril induziehai chu.
30. A chapo a tangkai nawh,A uongin kawk a nei nawh"Ti hi LALPA thu suok a nih.
31. Chuleiin, inring takin,Moab chu ta khum ka ta,Moab pumpui sun ka ta,Kir Hareset mihai sun ka tih.
32. Aw Sibma grep kunghai,Jazer ka ta nek hmana,Nasain tang ka ti cheu.I zarhai chu Tuipui Thi chen,An inzar phar dei duoi a,Suksetun a hmal vong a,I grep le thei hminhai chu,A hmal fai vong ta si a.
33. Moab rama huona hai,Hlim le lawm ri a re a;Uoiin sawrna khur a'nthok,Uoiin a suok ta naw a,Hlima grep chil sawr rihai,Hriet ding hrim a um ta nawh.Khek ri an hriethai khom chu,Hlimna khek ri an ta nawh.
34. Hesbon khuoa inthokaEleale le Jahaz chenin,An khek ri a'n hriet phak a;Zoar a'nthok Horonaim leEglath Selisiya chenin.Nimrim tuikhurhai chen khom,A lo kang zo ta si a.
35. Hmun sanga an inthawina,An biek pathienhai kuoma,Rimtui an inhlannahai khom chu,Keiin suktawp vong ka tih,Ti hi LALPA thu suok a nih.
36. Theihle angin ka lungrilah,Moab sunna hla a'n ri a;Kir Hareset-hai sunna hla chu,Ka lungrilah a'n ri bok a.Hausakna an khawl khawmhai,A riral zo vong ta si a.
37. Mi tinin lu an vaw kol a,An khakhmul an vaw bok a;Mi tinin ban an at pop a,Saiip an kawngchun seng bok.
38. Moab in chung po po leAn tuolzawl po pohai chu,Lusunna hmun a'n chang a,Tu dit lo bel ang elin,Moab ka vuok dar ta si,Ti hi LALPA thu suok a nih.
39. A va hang koi nasa de!An va hang tap nasa ngei!Moab chu muolpho taluo'n,Tu khom a hmason ngam nawh.A kawl le kienga chenghai,Nuizatbur inchang zoin,Mi pangzat a kai ta si.
40. Hieng hin LALPA chun a hril:"En ro, mupui chu thla zarin,Moab chungah a bir thla a.
41. Khawpuihai chu la'ng a ta,Kulhai khom la vong a tih.Chu ni a hung tlung pha chun,Moab mihranghai lungril chu,Nuhmei nau hase lai angin,Thlaphangnain sip a tih.
42. LALPA a cho ngam leiin,Moab hnam chu riral a tih.
43. Aw nangni Moab mihai,Thlaphangna le khuorkhurum,Changhaiin an lo nghak cheu"Ti hi LALPA thu suok a nih.
44. Titna tlansan tumtu chu,Khuorkhurumah tlang a ta,Khuorkhurum suoksantu chu,Changa chun inawk a tih.Hremna a tuor ding kum chu,A hung tlung vak ding a nih"Ti hi LALPA thu suok a nih.
45. Hesbon hlim phena inbi,Raltlanhai bei a dong ngei!Sihon lal khawpui Hesbon chu,Mei suok tanna hmun a na,Moabhai bawksam a kang ie,Chapo ri siehai lu bur chu.
46. Aw Moab, i chung a pik!Khemos mihai an boral tah.I naunu le naupahai chu,Salah an thuoi tawl ta si.
47. Sienkhom ni nuhnunga chun,Moab vangneinahai chu,Ka tungding nawk ding a nih"Ti hi LALPA thu suok a nih.Hi chen hi Moab chungthu hrilna chu a nih.
←  Jeremiah (48/52)  →