←  Jeremiah (47/52)  →

---

1.

Faraw-in Gazaa Filistinhai a run ding thua zawlnei Jeremia kuoma LALPA thu hung tlung chu:

2.

LALPA chun hieng hin a tih:"Hmar tieng panga inthoka,Tui hung lien dan hi thlir rawh;A kuong liem zur zur a ta,Ram le iengkim chim a ta,Khawpui le a sunga chenghai,An rengin chim vong a tih.Mihai chu tap khek an ta,A rama chenghai po po,Tapin khek rong rong an tih.

3.

Sakor pen thuop thuop rihai,Ral tawlailir thum dur dur le,An ri so chur chur kara chun,An nauhai ngaisak chang loin,Pahai chu tlan sieng an ta,An kuthai zoi vong a tih.

4.

Filistinhai chu hung bei a,A suosam ni a tlung ta a,Tura khuo le Sidon khuo,Thangpui thei um sunhai chu,A that ram ni a tlung tah.Kaftorz kama inthoka hung,Filistin la dam sunhai chu,LALPAN a suksiet tawl tep si.

5.

Lusun purdo Gaza chun,A lu vaw kol vong a ta,Askelon chu chimit a tih.Aw, phaia cheng mi um sunhai,Ieng chen am nangni le nangni,In insun pei ding a na?

6.

"Aw, nang LALPA kawlhnam,Ieng tik am chawl tang i ta?I paiah chun lut nawkin,Chawl ta rawh" ti'n khek in tih.

7.

LALPAN thu a pek si chun,Ieng tin am chawl thei a ta?Askelon le tuipui kama chenghai,Do dingin thu a pek mieu si a.

---

←  Jeremiah (47/52)  →