←  Jeremiah (45/52)  →

---

1.

Juda lal Josia naupa Jehoiakim inlala inthoka a kum linaa zawlnei Jeremia thu hrilhai lekhabu ziela Barukin a ziek thlak hnunga zawlnei Jeremia-in Neria naupa Baruk kuoma a hril chu a nih.

2.

"Aw Baruk, LALPA, Israel Pathien chun i kuomah hieng hin a tih:

3.

Nangin, 'Ka chung a va hang pik de aw! Lungngaina ka tuor hi LALPAN a mi bel sapek a; ka'n rumnain ka chau zo ta a, hadamna hrim ka hmu nawh' i ti a.

4.

LALPA chun i kuomah hieng hin hril dingin a mi tih: "Hieng hin LALPA chun a tih: 'A ram pumpuiah ka bawl tahai chu thiek ka ta, ka phun tahai chu phawi ka tih.

5.

Chuong a ni si chun i ta dingin ieng am thil ropui zong ding a um a? Zong naw law law lem rawh. A ram pumah sietna ka hung intlungtir ding a na, sienkhom i fena taphotah i hringna chu hlapek pei ka ti che' tiin" a ta.

---

←  Jeremiah (45/52)  →