| ← Jeremiah (21/52) → |
| 1. | Malkija naupa Pasur le Maseia naupa thiempu Zefania hai chu Lal Zedekian Jeremia kuomah a tir a. |
| 2. | Ama chun an kuomah, "Hi, Babulon lal Nebukadnezzar chun a mi do ta si a. LALPAN kha hmaa thil mak a thaw hlak ang bok khan a mi thawpek chun, a'n kirtir el thei a. Chu thu chu Jeremia-in LALPA kuomah mi lo indonpek raw se" a ta. |
| 3. | Jeremia chun an kuomah, "Zedekia kuomah hieng ang hin va hril ro. |
| 4. | Israelhai Pathien, LALPA chun hieng hin a tih: 'Ngai ta, Babulon lal le Kaldai mi, kul puo tienga inhuoltuhai che i dona hriemhrei chu nangma tieng inlettir ka ta, khawpui sunga hin hmelmahai chu thuoi lut ka tih. |
| 5. | Keima ngei hin lungsen tak le intur takin, keima kut hrat ngei inletin, intimna nei der loin ka bei ding cheu a nih. |
| 6. | Hi khuoa cheng mihriem le ranhai chu nghaisang ka ta, hripuiin thing an tih. |
| 7. | Chu hnunga chun Zedekia le a thoktuhai le mi dang, hi khuoa cheng, kawlhnam le tama thi lohai chu Babulon lal Nebukadnezzar le hmelmahai kuta le anni that tumtuhai kuta chun peng ka tih. Kawlhnam ngeiin that an ta, lunginsiet naw ni hai a, lainat bok naw ni hai' ti hi LALPA thu suok a nih. |
| 8. | "Chu bakah, mipuihai kuomah hieng hin hril rawh: 'Ngai ro, in hmaah hringna lampui le thina lampui ka sie ding a nih. |
| 9. | Hi khawpuia um taphot chu kawlhnam amanih, tam amanih, hripuiin amanih thing an tih. Tu khom tlan suoka, a'n huoltu cheu Kaldaihai kuoma inpehai chu dam an ta, an hringna humin um a tih. |
| 10. | Hi khawpui thatna ding neka a sietna ding thaw ka tum leiin, Babulon lal kutah pek ning a ta, meiin raw hmang a tih' ti hi LALPA thu suok a nih. |
| 11. | "Juda lal sungkuohai chungthua LALPA thu hi ngaithla ro. |
| 12. | Aw Davida sungkuohai, LALPA chun hieng hin a tih:'Tuk tinin ro relpek unla,Sukdudatu kuta inthokin,Roka um chu san suok ro;Chuong naw chun ka lungsennan,In thil tha naw thaw leiin,Meichok angin kang a ta,Thel ngaina hrim um naw nih. |
| 13. | Nang, tlang sip zawla cheng,Lungpui zawl chungah chuonga,'Tu'n am an mi bei thei ding?An mi hlu khum ngam ding maw?'Tituhai, ka khing cheu a nih,Ti hi LALPA thu suok a nih. |
| 14. | In thilthaw phu ang peiin,Ka hrem ve ding cheu a nih..In ramngaw kang ral dingin,Mei insuopek ka ti cheu a,A vel po kang vong a tih,Ti hi LALPA thu suok a nih. |
| ← Jeremiah (21/52) → |