Jeremiah (1/52)  →

---

1.

Benjamin ram Anathot khuoa thiempuhai laia mi pakhat Hilkia naupa Jeremia thuhai chu a nih.

2.

Juda lal, Amon naupa Josia inlala inthoka kum sawm le kum thumnaaha a kuomah LALPA thu a hung tlung a.

3.

Juda lal, Josia naupa Jehoiakim inlal lai khomin a hung tlung a; Juda lal Josia naupa Zedekia inlala inthoka kum sawm le kum khatna, thla nganaab Jerusalem mipuihai sala thuoi an ni chen khan, a hung tlung bok a.

4.

LALPA thu ka kuomah a hung tlung a,

5.

Sula ka'n din hma che khan,Ka lo hriet dai ta che a,Sula inthoka i suok hmain,Ka lo ser hran ta che a,Hnamhai kuoma zawlnei dingin,Ka lo ruot ta che a nih" tiin.

6.

Kei chun, "E khai, Chunghnungtak LALPA, tong dan khom ka la thiem nawh, naupang ka la ni si a" ka ti a.

7.

LALPA ruok chun ka kuomah, " 'Ka la naupang' ti naw rawh. Ka tirna che taphot kuomah feng i ta, hril dinga thu ka pekhai che chu i hril ding a nih.

8.

San suok pei ding chein i kuomah ka um ding a ni leiin anni chu ti der naw rawh" a ta.

9.

Chun, LALPA chun a kutin ka bau a hung them a, "Tu hin ka thuhai chu i bauah ka sie ta a.

10.

Ngai ta, hnamhai le lalramhai chu phawi a, thiek a, suksie a, pei thla a, siem tha a, indin dingin ka ruot che a nih" tiin a mi hril a.

11.

LALPA thu chu ka kuomah a hung tlung a, "Jeremia, iem i hmu a?" a ta. Kei chun, "Ruon thing kau zar ka hmuh" ka ta.

12.

LALPA chun, "I hmu indik ie, ka thu hlen dan ding ka melkai zing a nih" a ta.

13.

LALPA thu chu ka kuomah a hung tlung nawk a, "Iem i hmu a?" a ta. Kei chun, " Hmar tienga bel intlok bor bor ka hmu a, hieng tieng hin a hung so liem tep a nih" ka ta.

14.

LALPA chun, "A rama chenghai po po chungah hmar tienga inthokin sietna a hung tlung ding a nih.

15.

Hmar tieng lalrama cheng po pohai hi ka ko suok tep tawl an tah" a ta."An lalhai chu hung an ta,Jerusalem kotkhar bulah,An lalthungpha hung rem an ta,A bang po po chu inhuol an ta,Judai rama khuo po po khom,Anni chun inhuol an tih.

16.

Rilo taka mi maksan a,Pathien dang hmaa rimtui inhlan a,An kuta siem an biek leiin, Anni chu ka hrem ding thu,Ka hung puong lang ding a nih.

17.

"Chuleiin, insiem zo nghal rawh. Ngir suok la, hril dinga thu ka pekhai che chu an kuomah va puong rawh. An hmaah zam der naw rawh, chuong naw chun an hmaah sukzam ka ti che.

18.

Voisun hin a ram puma Juda lal le hotuhai, thiempuhai le mipuihai chu ep dingin khawpui kul nghet tak nei, thir ban le dar bang nei angah ka siem che a nih.

19.

Bei an ti che a, sienkhom hne nawng an ti che, kei i kuomah ka um a, san suok ka ti che" ti hi LALPA thu suok a nih.

---

Jeremiah (1/52)  →