←  Isaiah (62/66)  →

---

1.

A felna zingkhuo anga var a,A sandamna chu meiser anga,A hung var suok hmakhat chun,Zion leiin to nawng ka ta,Jerusalem leiin to naw ning.

2.

Hnam tinin i felzie hmung an ta,Lalhan i ropuizie hmung an tih.LALPA ngeiin i hming thar ding,A la sakpek ding che a nih.

3.

LALPA ta din lallukhum mawi,Pathien ropuina lukhum ning i tih.

4.

Mak hnung' ti ta naw ni hai a,'Rausan ram' ti ta bok naw ni hai.'Ditlai' tiin ko tang an ti che a,I ram khom 'Pomlai' ti tang an tih. I chungah LALPA lawm a ta,I ram chu neiin hluo tang i tih.

5.

Tlangvalin nunghak a nei angin,I nauhaiin hluong an ti che a,Moneituin mo a lawm angin,I chungah i Pathien lawm tang a tih.

6.

Aw Jerusalem, i kul chungah,Ralvengtuhai chu ka sie a,Sun le zan ieng lai khomin,An ri chu re ngai naw nih.Nangni LALPA kotuhai,Chawl loin ko zing hlak ro,

7.

Jerusalem hung tungding a,Hnam tin inpak tlak dinga,A hung siem nghet hma khat chun,A thutiem kha hre zing dingin,Chawl loin LALPA chu ko ro.

8.

A chang tieng ban tha hratin,LALPA chun thu a'n kham a:"Ienglai khomin in buhai chu,Hmelma fak di'n pe ta naw ning,Hnam dangin in uoin tharsuok,Dawn zopek ta naw ni cheu.

9.

Bu siktuhan an bu fa tang an ta,LALPA chu inpak an tih;Grep ra lotuhai khomin,Ka in thienghlim tuolzawlah,An uoiin dawn tang an tih" tiin.

10.

Fe suok ro, fe suok ro,Ka mihai ta di'n lam siem ro;Sung pawng ro, lamlien siem ro,Lunghai inthiel fai unla,Hnam puonzar chu khai kang ro.

11.

LALPAN hnuoi kil tawp chenin,Hi thu hi a puong dar a:"Zion naunu kuoma chun,'En ta, i Sandamtu a hung!A san suokhai a hung thuoi a,A'n tlan suokhai a hung som.

12.

Anni chu 'Mi thienghlimhai,LALPA tlanhai' ting an tih.Nang khom,'Khawpui Ditum,Hnawl lo khawpui' ting an ti che.

---

←  Isaiah (62/66)  →