←  Isaiah (61/66)  →

---

1.

LALPA Pathien thlarau chu,Ka chunga hin a um a,LALPAN hriek a mi nal a,Riengvaihai kuoma chanchin tha,Hril dingin a mi tir a nih:Lungril koihai thawi dam ding dam,Saltanghai suok thu hril ding dam,Thima intanghai insuo ding thu dam,

2.

LALPA lungawi kum thu puonga,Pathien phuba lak ding thu hril a,Lusunhai thlamuong ding dam,

3.

Zion-a purdohai chu hnem a,Vut neka par thi inhlitir lem a,Sunna neka hlimna hriek nal a,Ngui muchukna thlarau neka,Inpakna silfen pe lem dingin.LALPAN ama chawimawina dinga,Felna saisaw thing a phun an nih, Ti thu hriltu ding ka nih.

4.

Hmun hlui tlu ram tahai chu,A tharin rem nawk an ta,mun rausan ta hnunghai chu,Hung indin thar nawk an ta,Thang tam lo tlu se ta hnung,Khuohai chu bawl thar an tih.

5.

In ran ruol vengtuhai chu,Ram dang mi ni tang an ta,In leilet le grep huona hai,Ram dang mi sor tang in tih.

6.

Nangni chu 'LALPA thiempu,'Tia ko ni tang in ta, 'Ei Pathien rongbawltuhai'Tia ko ni bok in tih.Hnam danghai nei tlan in ta,An nei chu uongpui in tih.

7.

An muolpho aiah chan let hni,Ka miha'n chang tang an ta, An inzak aiah hlim takin,An chanvo rochung an ta,An ram let hnih hluong an ta,Kumkhuoin hlim tang an tih.

8.

Kei hi LALPA chu ka na,Rorelna fel ka ngaina a,Inrok le khawlonahai,Ka theida em em a nih.Anni chu ringum takin,An lawmman ding peng ka ta,Chatuon thuthlung thlungpui ka tih.

9.

An thlahai chu hnam tin lai,Mi hriet lar hung ning an ta,An thla sawng peihai khom chu,Mi hriet hung hlaw pei an tih.Anni hmutu taphot haiin,'LALPA malsawmhai an nih'Tiin hung namnghet an tih.

10.

LALPA-ah ka lawm hle a,Pathienah ka thlarau a hlim.Moneituin thiempu anga,Cheng lura lu a kawm ang le,Moin thuom mawi a'n bel angin,Sandamna silfen mi'n belin,Felna korfuol a mi'n haktir.

11.

Leilungin thil intotir a,Huonah thlai a'n thanglien ang hin,LALPA ei Pathien ngei chun,Felna le inpaknahai chu,Hnam tin lai intotir a tih.

---

←  Isaiah (61/66)  →