←  Isaiah (58/66)  →

---

1.

"Inring takin khek unla,In rawl ren hrim hrim naw ro.Tawtawrawt ri ang elin,Inring takin khek suok ro.An bawsiet le helna chu,Ka mihai kuoma chun hril la,Jakob sungkuohai kuomah,An suolnahai chu hril rawh.

2.

An Pathien thupekhai chu,Zamsan naw ni awm takin,Ka lampuihai hre chak a,Thil indik thaw nuom angin,Ni tin tin an mi zong a;Pathien hung hnai chak angin,Rorelna fel an mi hnih.

3.

Nangin i mi hmu si naw chun,Ieng leiin am bu ka nghei ding?I mi hriet fuk si naw chun,Ieng leiin am ka'n sukrimsi ding?'Tiin in hril hlak a ni kha.Bu in nghei ve chang hlak chun,Nuom ang angin in che a,Sinthawtu in sorhai hlak,In neksawr a re chuong nawh.

4.

In bu nghei ve nihai chu,Inhal insuolin a tawp a,Kuttum in inthlak khum a,Tuta in bu nghei dan hi,Chung tieng hriet tlak a ni nawh.

5.

Insukrimsik nia ngaiin,Thli mut kur luong ang elin,In lu in kei kun tawl a.Saiip sila zal thlep a,Vut laia in inbuol hi,Bu nghei dan ding chu a ni?LALPA a lawm in ring maw?

6.

Bu nghei dan dinga ka dit chu,Indik lo taka hrenhai,An hrengthir sutthlakpek dam,An ringkol hrui sutpek dam,Neksawrhai chu insuo a,An ringkol suktliekpek dam,

7.

Retheihai fak ding sem dam,Vakvaihai ina thuoi dam,Saruokhai silfen pek dam,Laichinhai nghatsan lo dam,Ka dit dan chu a ni lem.

8.

Chu pha zet chun in var chu,Zingkhuo angin var a ta,In natna dam nghal a ta,Mi Dik chun in hma thuoiin, LALPA ropuina chun somin,In hnung daltuah thang a tih.

9.

Chu huna chun ko in ta,LALPAN hung don a ti cheu. Thangpui dinga in ko pha,'Hi taka hin ka um ie'Tiin don nghal a ti cheu. "Neksawrtu ringkol the thla a,Mi khiksaw ching mihai leHrilsetuhai in the thlak pha,

10.

Phingtamhai chu ngaisak a,Neksawrhai in suktlai pha chun,In var chu inthim mup lai,Hung varin eng suok a ta,In zan chu sunchang angin,Hung var phut lem tang a tih.

11.

LALPAN thuoi a ti cheu a,Ni inteng le ram tawlah,In mamaw phuhruk a ta,In rurelhai sukhrat a ta,Tui chawm zing huon ang el leTuihnar kang lo ang ning in tih.

12.

Khaw ram hnunghai bawl thang in ta,A lungphumhai rem sang in ta,'Bang tlu hnung tungdingtuhai,Umna ding le kotthler siemthatuhai'Ti hming la hung put in tih.Sabat inser lawmman

13.

"Ka Chawlni bawse lo ding leNuom thawnaa hmang lo dinga,In kehai in veng tlat chun,Ka Chawlni chu lawmum ti a,LALPA ni thienghlim chu inza a,Nuom thawnaa hmang lo a,Titinaa in hmang naw chun,

14.

LALPA-a chun lawm in ta,Hmun sangah sieng ka ti cheu a,In pu Jakob ka rochung thilhaiin,Ka hrai tlai ding cheu a nih"Tiin LALPA bauin a hril.Suol, puongna le tlanna

---

←  Isaiah (58/66)  →