←  Isaiah (57/66)  →
1. Mi indik chu a thiin,Ngaituo zui hrim an um nawh;Pathien ngaisaktuhai khom,Lak hmanga an um lai khan,Thil tha naw tuok lo dinga,Lak hmang an nih ti hrim hrim,Tu khomin an hriet phak nawh.
2. Ngil taka kal chawitu chu,Thlamuongnaah an lut a,Hadam takin an chawl hlak.
3. Nangni dawithiemnu nauhai,Uire le nawchizor thlahai,Hi taka hin hung hnai tawl ro.
4. Tu am a na in nuisaw?Tu am hmel insiet khum a,Tu am a na lei in thlak khum?Hel hmang nauhai in ni naw maw,Mi khelhlip ruol thlahai chu?
5. Saisuo bilah zauthau takin,A buk tin hnuoiah in che a;Ruom inthuk, rawl ko hnuoiah,In nauhai in inhlan a.
6. Ruoma lung mam taphot chu,In pathien lema ngaiin, In chanpuol bikah in ruot a,In chanpuol khom a ni hrim.A chungah uoiin burin,Bu le bal thilhlanhai chu,In inhlan hlak a ni kha.Hieng ang thil po po lei hin,Ka lung a awi ding a ni?
7. Hmun sang le tlang sang tinah,In zalkhum ding in rem a,Chutaka chun inthawi dingin,In hang fe hlak a ni kha.
8. In kot bul le in sungah,Pathien lemhai in sie a,Keima mi theinghil daiin,In khumpha chu in hawk a,Khum laizawlah in kai a,In inkei phar hlak a ni khah.In zalpui chak deuhai chu,Thu in intiempui hlak a,An saruokna in enhla hlak.
9. In pathien Molek kuomah,Oliv hriek leh in fe a,Rimtui in innal teuh bok a.In palaihai chu hla takah,Biek ding zongin in tir a,Seol chena inthukin,In infetir hlak a ni kha.
10. Biek ding in zongna lamah,In insuksawl der hlak a,Sienkhom, "Beisei a bo ie!"In ti nuom chuong ngai si nawh.Beisei ding thar in hmu pei a,In chau tlep naw mei mei a nih.
11. Ka kuomah thukhel hril a,Hriet khom mi hre ta lo a,Mi ngaituo zui lo khopa,In pangzat le in ti chu,Tu hi'm a ni reng reng a?Ka to sawt taluo leia,In mi ti ta naw a ni?
12. Dika in hriet le thilthawhai chu,Ka hung puong lang ding a na,Sawtpuina nei naw ti niu.
13. Thangpuitu ding in ko pha,In milem lak khawmhai hin,Hung thangpui cheu raw se chu!Thliin la hmang vong a ta,Thuokin mut leng vong a tih.Keima mi beltu ruok chun,Ram hi hung rochung a ta,Tlang thienghlim hi hluong a tih.Lungngaihai thlamuongna
14. "Sung pawng ro, sung ruol lo,An lam hraw ding buotsai ro;Ka mihai inpalna thei po po,A rengin inthiel fai ro"Tiin ama chun la hril a tih.
15. Hmunsanga cheng, chatuona hring,Mi Thienghlim chun hieng hin a tih:"Hmun chunghnungtakah chengin,Hmun thienghlimah um lang khom,Thuhnuoirol le insirhai kuomah,An thlarau chawisang ding leInsirhai lungril kei har dingin,An kuomah ka um zing hlak.
16. Suolah intum zing naw ning,Ka lung sen zing bok naw nih.A sen zing chun bohmang an tih,Thuoka ka'n din an ni si a.
17. An suol le du-am leiin,An chungah ka lungsen a,Anni chu ka hrem tawl a,Ka hmel ka thuppek dai a,Anni hlakin an nuom zawng,Lampui chu an hraw pei a.
18. An um dan ka hmu vong a,Sienkhom sukdam nawk ka tih.Thuoi ka ta, an ngirhmun khom,Hadamin siem nawk ka tih.
19. Israel rama lusun po po bauah,Inpakna thu sieng ka ta,Ram hla le hnaihai kuomah,Inremna inlengtir ka ta,An rengin sukdam ka tih"Tiin LALPA chun a hril.
20. "Sehnok le chir vor suok hlak,Tuipui insok zing ang hin,Mi rilohai chu um an ta,Muongna hrim hmu naw nihai"Tiin ka Pathienin a hril.
21. (A um nawh)
←  Isaiah (57/66)  →