←  Isaiah (55/66)  →

---

1.

Dangchar taphot hung unla,Tui hi hung dawn ro; Poisa nei nawhai khomin,A thlawnin bu hung fa ro!Uoiin le bawngnene hai,A thlawnin hung la tawl ro.

2.

Bua ring thei ni si loah,Ieng leiin am sum in seng ding?Khop le tlaina ni si loah,Ieng leiin am tha in seng ding?Ka thu hi ngun takin ngai ro:Thil tha chu fain dawn ro,Thil hang inhnik in tlan chun,In thlarau khom lawm a tih.

3.

"Ngaithlain ka kuomah hung ro,Ngaithla ro, in hring theina di'n.Davida kuoma hmangaina thu,Ka lo tiem tlat tah angin,Nangni leh kumkhaw thuthlung,Ka thlungpui ding cheu a nih.

4.

En tu, ama chu hnam tin lai,Hrepuituah ka ruot a,Thuoitu le hotuah khom.

5.

In hriet ngai lo hnamhai khom,In nuom nuomin ko in ta,A hre nawtuhai cheu khom,Inhmaw takin hung an tih,LALPA in Pathien ngei el,Israelhai Mi Thienghlim chun,A chawimawi cheu lei a nih.

6.

Hmu theia a la um lai hin,LALPA chu zong unla,A la hnai lai hin ko ro.

7.

Mi riloin a nun dan bansan sien,Mi suolin suol ngaituo bansan raw se.LALPA kuom tieng kir nawk sienla,Ama chun lo lunginsiet a ta,A thlawnin lo ngaidam a tih.

8.

LALPA chun hieng hin a tih:"Ka ngaituo i ngaituo an nawh,Ka lampui i lampui an nawh.

9.

Van khi hi hnuoi nek daia,Insang lem a ni angin,Nangma lampui nek daiin,Ka lampui a'n sang lem a,I ngaituona nekin daiin,Ka ngaituona a'n sang lem.

10.

"Van a'nthokin ruo le vur,Hnuoiah a hung tla hlak a,Leihnuoi chawm le sukhnawng a,Thil intotir le inthangtir a,Lo neitu ta dingin thlai chi,A fatu ta dingin bu le balA hung insuotir hma chun,Van tieng a kir nawk ngai nawh.

11.

Ka baua thu suokhai khom,Ka dit dan anga hlen suoka,Ka tum le tir san ang chu,Sukhlawtling a ni hma chun.A thlawnin a kir ngai nawh.

12.

"Hlim tak le thlamuong takin,An thuoi suok ding cheu a nih;In hmaa muol le tlanghai,Hlim zai vawrin khek an ta,Lentu thing tinhai khomin,Hlim takin kut ben an tih.

13.

Hlingin a bawm rama chun,Far thing hung to tang a ta,Buorin a bawm rama chun,Inhmui to lem tang a tih.Chu chu LALPA thil thawhai,Kumkhuoa hrietna dingaInchikna ni tang a ta,Phur thluk ni ta ngai naw nih.

---

←  Isaiah (55/66)  →