Isaiah (53/66)  

1. Kan thu hril hi tuin am awi a ta? LALPA kut hung inlang hi,Tuin am hre thiem an ta?
2. A hmaa chun thing tuoi inno,Hnuoi chara zung thlak angin,Ama chu a hung pieng a.Ama chu hang ditzawng dingin,Pienhmang mawina a nei naw a,A hmel inlang dan hrima khom,Hang lungdumna ding a um nawh.
3. Mihan hmusitin an hnawl a,Mi lungngai, natna hre mi a nih.Mihan an hmuin hmai an hup a,An endong a, ei ngaisang nawh.
4. Ama chun ei natna mi tuorpekin,Ei lungngainahai a mi phurpek.Sienkhom Pathien kut a tuor leia,Vuok thitling le suknata um,Niin ei ngaipek lem hlauh si.
5. Ei bawsietnahai leiin,Ama chun hliem a tuor a,Ei khawlonahai leiin,Vuok thitlinginx a um a;Thlamuonga ei umna dingin,Hremna a chungah a tla a,An vuokna hliemhai lei chun,Sukdamin ei lo um tah.
6. Ei reng hin beram angin,Mani lampui seng hrawin,Ei invak hmang zo ta a;Ei khawlona po po chu,LALPAN a'n phurtir a nih.
7. Soisakin an intuortir a,Sienkhom a don let ve nawh.That ding beramte angin,Ama chu an thuoi vel a,Beram hmul vawtu hmaa,Beram a to zing angin,Ama khomin bau a ka nawh.
8. Mana a chungthu relin,Ama chu an thuoi hmang a,A thlahai chanchin tu'n am,An hung hril ta ding a na?Mihring rama inthokin,A hringna an lakpek a,Ka mihai bawsietna leiin,Thatin a lo um ta si.
9. Tharum insuo ngai lo leKhel hril ngai lo ni sien khom,Mi suol angin an vui a,Mi hausa thlanah a zal.
10. Sienkhom LALPA thu leia,Vuok thitling chu tuor a nih;Ama chu suol inthawinan,Lo inhlan tah sienla khom,A chi thlahai la hmung a ta,A dam kum suksei a ta,A kutah LALPA tum chu,Sukhlawtlingin um a tih.
11. A tuor inrim ra a hmu pha,Hringna var la hmung a ta,A lung chu awi tang a tih.Ka siehlaw mi fel hrietna chun,Mi tam tak thiem inchangtir a ta,An suolhai phurpek a tih.
12. Chuleiin, ka siehlaw chun,Thi hiela hringna bun thla a,Bawsetu lai tiema a um leiin,Mi lienhai lai tiem veng ka ta,Mi tam tak kuomah rallak,Ama chun sem tang a tih;Mi tam tak suolhai phurtu,Bawsetuhai hrilpuitu a ni si.

  Isaiah (53/66)