←  Isaiah (52/66)  →

---

1.

Aw Zion har la, tho rawh,Hratna thuomin inbel la,Ropui takin inchei rawh.Aw Jerusalem, khawpui thienghlim,I sungah sertan nawhai lutin,Sukporche ta nawng an ti che.

2.

I pilvut kai chu thin thla la,Aw, Jerusalem, tho suok la,Lalthungphaah inthung rawh.Aw saltang, Zion naunu,I ring thlungna kha sut ta rawh.

3.

LALPA chun hieng hin a hril:"Ieng khom loa zor hmang in na,Tangka loa intlan ning in tih" tiin.

4.

LALPA ka Pathien ngei chun,Hieng ang hin a hril a nih:"A hmasain ka mihai chu,Aiguptaa cheng dingin an zu fe a;Tu hin Asuria neksawrin an um.

5.

Tu hin ieng am ka nei ta le?Ieng khom loin ka mihai chu,Thuoi hmangin an um zo a,An chunga roreltuhai chun,Nuizatburah an siem a.Sunnithlakin ka hming hi,Chawl loin an hrilsiet zing.

6.

Chuleiin, ka mihaiin,Ka hming hi la hung hrieng an ta,Chu ni chun keima ngei hi,Hieng thil hril lawktu ka nizieLa hung hrieng an tih,Keima ngei hi ka ni si a" tiin.

7.

"I Pathien chun ro a rel ie!"Tia Zion kuomah hung hril a,lang tinah inremna thu insampui a,Chanchin lawmum hung intlun a,Sandamna thu puongtuhai chu,An pheikhai a va mawi ngei!

8.

I ralvengtuhai ri chu ngai rawh,Hlimin an khek ruol a ni chu!Zion-a LALPA hung kir chu,Mit ngeia an hmu leiin.

9.

Jerusalem tlu rama chenghai,Hlim zai vawrin khek suok ro,LALPAN a mihai thlamuongin,Jerusalem a'n tlan ta si a.

10.

LALPAN hnam tin mithmuah,A ban thienghlim a phar suok a,Ei Pathien sandamna chu,Kawlkila umhai chen khomin,An la hmu ding a ni si a.

11.

Suok ta ro, suok ta ro khai!Chu taka inthok chun suok ro.Thil thieng lo hrim tawk naw ro!LALPA bur le bel chawituhai,Thienghlim takin hung suok ro.

12.

Hmawsarumin suok naw ro,Raltlan angin suok bok naw ro;LALPAN in hma thuoi a ta,Israelhai Pathien ngei chu,In hnung daltu ni bok a tih.LALPA siehlaw tuorna le ropuina

13.

En ta u, ka siehlaw chun,Var takin hung thawng a ta,Dom sang le hlang kai ning a ta,Chawimawiin ngaisang an tih.

14.

Tam tak makti ang hrimin,Hmel pangngai put lo khopaA hmel an sukhempek a na,Mihriem ruongam ang lo khopa,A pienhmang an sukhem a nih.

15.

Hnam tinin mak ting an ta,Ama hmuin lalhai chun,An hmur inchip hmak an tih.An la hmu ngai lo hmung an ta,An la hriet ngai lo hre bok an ta,Hung hre thiem thei tang an tih.

---

←  Isaiah (52/66)  →