←  Isaiah (51/66)  →

---

1.

"Felna hnottuhai po po leLALPA zongtuhai po po chun,Ka thu hi lo ngaithla ro:In piengna lungpui hi en unla,In hung suokna lung khur hi en ro.

2.

In pu Abraham tieng en ro,A hringtu cheu Sari en ro.Ka ko lai chun nau an nei nawh.Mal ka sawm a, ka sukpung a,Mi tam takin ka siem suok kha.

3.

LALPA chun matheiloin,Zion chu thlamuong a ta,A chim sietnahai po po khom,Lungsietna mitin thlir a ta;Thlaler chu Eden huon angin,Ram tawl chu LALPA huon angin,A la hung siem ding a nih.Chu taka chun hlimna le lawmna,Lawmthu hrila inpakna ri,Hriet hung ni lem tang a tih.

4.

"Ka mihai, mi lo ngaithla ro;Ka hnamhai, mi lo ngaithla ro:Keima kuoma inthokin,Dan thu chu a hung suok a,Ka rorelna indik chu,Hnamhai entu ning a tih.

5.

Ka felna chu a hung hnai a,Ka san suok hun a tlung mek;Ka banin hnam tin chungah,Indik takin ro rel a ta,Thlierkarhan mi beisei an ta,Ka ban hrat hi ngai an tih.

6.

Chung tieng khi hang thlir unla,Hnuoi tieng khom zuk thlir bok ro.Van khi meikhu ang elin,A la'n zam ral ding a na,Hnuoi khom hi silfen angin,A la chul vong ding a na,A chunga cheng po po khom,Tho angin la thing an ta,Sienkhom sandamna ruok chu,Kumkhawtluonga ding a na,Ka felna tlol ngai naw nih.

7.

"A tha le a sie thlier theitu,Lungrila ka dan vongtuhai,Ka thu hi lo ngaithla ro:Mihai deusaw ti naw unla,An diriemna ti bok naw ro.

8.

Anni chu silfen angin,Hangthimin fa zo a ta,Sahmul a fak siet angin,A la fak siet ding a nih.Sienkhom ka felna ruok chu,Kumkhuoin um tang a ta,Ka sandamna chun suon tin,A dai vong ding a ni si a.

9.

LALPA har la, har la, tho rawh,I ban tha hratin inthuom rawh.Tiena ang khan hung tho dok rawh,Thang tam liem taa i thaw ang khan.Nangma in naw Rahabw sat nawi a,Tuipui Dragon sun tlangtu kha?

10.

Tuipui inthuk chu sukkang a,I'n tlanhai kan theina dinga,Tuipui monga lam siemtu kha,Nangma i ni naw am a ni?

11.

LALPA, i'n tlanhai hung kirin,Lawm hla leh Zion lut an ta,Chatuon lawmna khum tang an ta,Hlimna le lawmnan hmuok a ta,Beidong inrum re tang a tih.

12.

"Keima, keima ngei el hi,A thlamuongtu cheu chu ka nih.Hlobet anga ral nawk el ding,Thi thei mihriemhai mei mei hi,Ieng dinga in ti am a na?

13.

Kei hi LALPA, nangni siemtu,Van kei phar a, hnuoi thut remtu,Ka nizie in theinghil ta maw?Ieng leia neksawrtu lungsen,Ti reng renga in um a na?

14.

Kun tlok tloka intanghai chu,Insuo zalen ni vak an ta,Lung in thimah thi nawng an ta,Fak ding tlasam bok naw ni hai.

15.

Kei hi LALPA in Pathien,Tuipui chok phula infawntirtu,Iengkim LALPA chu ka nih;

16.

Kei, vanhai khom kei phartu,Leihnuoi innghatna phumtu,'Ka mihai in ni ie' ti a,Zion kuoma hriltu chun,I bauah ka thu ka sie a,Ka kutin ka hum zing che."

17.

LALPA kuta inthoka,A lungsenna no dawn a,A hlek chikte khom hla loa,Nang, a berbu tlak fai paptu,Har ta rawh, har ta rawh,Aw Jerusalem, thanghar rawh.

18.

I nau pasal hringhai lai khan,Thangpui ding che an um naw a,I nau chawmlienhai lai khan,Kei bat ding che an um bok nawh.

19.

I chunga sietna thuo hni tlung-Sukrauna le sukramna lakah,Tampui le kawlhnam laka hin,Iengtin am hnem ka ti che a?

20.

I nauhai chauin an tlu hmat a,Len changa sakhi awk ang elin,Kotthler tontirah an tlu phung a.LALPA lungsennan a del a,Pathien zilhau an tuok a nih.

21.

Chuleiin, nang hrem tuortu,Uoiin loa vai ruia um,Hi thu hi lo ngaithla rawh:

22.

LALPA i Pathien ngei el,I mihai humhaltu chun,Hieng ang hin a hril a nih:" En ta, a sukruitu che no kha,I kut a'nthokin ka lak hmang tah.Ka lungsenna berbua mi kha,Dawn nawk ta ngai naw ti nih.

23.

Nangma sukrinumtu che,'Sirsana kan hmang dingin,Hnuoiah tlun takin bok rawh,'Tia i ruongzang hrawtu kutah,Berbu chu pe tang ka tih" tiin.

---

←  Isaiah (51/66)  →