←  Isaiah (50/66)  →

---

1.

Hi hi LALPA chun a hril:"In nu ka tir hmang lai khan,Makna lekha ka pek maw? Ka leibatna mihai kuomah,Nangni ka zor cheu a ni?In suolna leiin annawm,Zor hmanga in um lem chu.In bawsietna lei chauin,In nu khom tir hmang a nih.

2.

Ieng leiin am ka hung khan,Tu khom in um naw a na?Ieng lei am ka ko cheu khan,Mi don ding in um der naw?Nangni sansuokna dingin,Ka ban a tawi taluo tah maw?Nangni san suokna dingin,Ka hrat tawk ta naw a ni?Tuipui khom ka hal kang a,Ka thuin vadunghai khom,Thlalerah ka'n changtir a,Tui tlasamin nga an thi a,Ngahai chu an thu zo a.

3.

Van chu thimin ka'n khum a,Saiipa tuom khum angin" tiin.

4.

Thua chauhai tungding dan,Ka hung hriet theina dingin,LALPA ka Pathien ngei chun,Zirtir thiemna lei mi pein,Tuk tin tina mi keiharin,A thu zirtir hre thiem dingin,Ka na a mi hongpek hlak.

5.

LALPA ka Pathien ngei chun,Ka na a mi hongpek a,A lakah ka hel ta ngai naw a,Ka hnung tawl ngai ta bok nawh.

6.

Mi vawtuhai kuoma chun,Ka hnungzang ka dawpek a,Ka khakhmul pottu kuomah, Ka bieng khom ka dawpek a,Nuizatbura mi siem a,Chil mi sakkhumtu kuomah,Ka hmai ka dawpek lem hlak.

7.

LALPA ka Pathien ngei chu,Mi thangpuitu a ni leiin,Muolphoin um ngai naw ning.Chuleiin, meitawk lung angin,Ka hmai ka sukpachang a,Inzakin mi siem naw nih,Ti hi chieng takin ka hriet.

8.

Mi tantu a hung hnai ie,Tu'n am mi khing ngam an ta?Hang inhmason ei ti aw!Tu'm a na mi hektu chu?Hmaisanah inbei kan tih.

9.

LALPA ka Pathien ngei chu,Mi thangpuitu a ni leiin,Tu'n am thiem naw mi'n chang a ta?Silfen angin la hlui an ta,Hangthimin fa se vong a tih.

10.

Nangni lai hin LALPA titu,A siehlaw thu awi in um am?Inthim hnuoiah kal chawiin,Var hrim nei nawtu khomin,LALPA hming chu ring sien la,A Pathienah innghat raw se.

11.

Tuta mani mei awi a,Mani mei insittuhai,In meichoka chun lengin,In mei lum chu awi mol ro,Ka kuta in dong ding chu,Na tak tuora inper a nih.

---

←  Isaiah (50/66)  →