←  Isaiah (49/66)  →
1. Thlierkarhai, ka thu
2. Kawlhnam ang topa ngeiin,Ka bau hi a'n changtir a,A kut hrat hnuoiah mi thupin,Thal tle tak anga mi siemin,A thal bawmah a mi khum a.
3. "Ka ropuizie ka puongna ding,Ka siehlaw Israel i nih'Tiin ka kuomah a hril.
4. Kei ruok chun ama kuomah,"Hmang loa thokrim mei mei,A thlawna tha seng ka nih.Sienkhom keima chungthu chu,LALPA kuta um a na,Ka lawmman hmu ding khom chu,Pathien kuoma um a nih" ka ta.
5. Jakob thlahai thuoi kir ding le,Israelhai hui khawm dinga,Sula ka um laia inthok khoma,A siehlaw dinga mi'n dintu,A mitah inzauma mi siemtu,Ka hratna le ka Pathien,LALPA chun hieng hin a hril:
6. "Jakob thlahai tungding a,Israel thla ka hum sunhai,Thuoi kir dinga ka siehlaw ruot,I nina hi a huntawk nawh.Jentelhai sukvartu ding khomin,Ka ruot sa ding che a nih,Hnuoi kil tinah ka sandamna,Intluntu hung ning i tih" tiin.
7. Israelhai intlantu LALPA, Mi Thienghlim chun hieng hin a tih:"Nang, mi hmusit le endong,Roreltuhai siehlawa um,Bawia inthoka i suok lai,Lalhaiin an hmu pha chun,A thlangtu che LALPA ringum,Israelhai Mi Thienghlim leiin,Nangma inzain tho an ta,Milienhan hmung an ti che a,I hma bulah kun an tih" tiin.
8. Hieng hin LALPA chun a hril:"Ka lungawi hunah ka ngaithlak che a,Sandamna niah ka thangpui che;Hnamhai kuoma ka thuthlungna,Ni dingin ka hum che a nih:In rochan, rausan hnung ram,Tungding le hluo nawk ding dam;
9. Tanghai kuomah 'Suok ta ro' ti a,Thima inthunghai kuomah, 'Zalen ta ro' titu ding damin.Lam sira hai tla khawm an ta,Muol kol vung hmunah hai khom,Tlatna hmun hring hmung an tih.
10. Phingtam tuor ta naw ni hai a,Dangchar tuor ta bok naw ni hai;Thlaler lum le ni intengin,Sukrinum ta ngai naw ni a,Anni lunginsiettu ngei chu,An thuoitu ni tang a ta,Tui luong del delna vakamah,Anni chu thuoi lem tang a tih.
11. Ka tlang tinhai chu lampuiin,Insun tlangtir rui vong ka ta,Ka lamlienhai siem ruol ka tih.
12. En ta u, hmar tienga inthok dam,Thlang tieng panga inthok dam,Aswan bielav inthok damin,An hung kir tawl a ni saw!"
13. Aw vanhai, hlimin khek ro;Aw leihnuoi, hlimin lawm rawh;Aw tlanghai, zai hla vawr ro!LALPAN a mihai a thlamuong a,Tuorhai chu lunginsiet a tih.
14. Nisienlakhom Zion chun,"LALPAN a mi fesan tah,LALPAN a mi theinghil tah" a tih.
15. Nenea a chawm lai naute,Nuin a theinghil hlaka maw?A rila ra naupang ngei chu,A lunginsiet naw ding maw?A theinghil a ni khomin,Kei chun theinghil nawng ka cheu.
16. En ta, ka kutphaa hin,I hming ka ker a ni hi!I kul bang chim tahai chu,Mitthlain ka hmu zing hlak.
17. I nauhai an hung kir inhmaw,Nangma suksetuhai chun,An suoksan ding che a nih.
18. Dak la, i mit inlen rawh,I nauhai an inko khawm a,I kuom tieng an hung pan saw!Ka hringna salin ka hril:"Incheina thi ang elin,I ring mawitu ning an ta,Moin a hli ang elin,Nang khomin hli tang i tih.
19. "Sukchim le rausana umin,I ram chu tlaran sienkhom,Inleng loin hluo sip nawk an ta,Sukramtu i hmelmahai chu,Hla takah um tang an tih.
20. I lusun laia nau pienghan,'Kan intar taluo ta a,Hmun inthawl lem mi pe rawh'Tiin i kuomah la hril an tih.
21. Chu pha chun i lungrilin,'Hienghai hi tu rengin am,A mi lo hringpek a na?Nauhai sunin ka ching a,Saltang mi hnawl ka ni a;Tuin am hieng nauhai hi,A lo chawm tlei ning a ta?Keima chaua mal taka,An mi maksan kha ka na,A tuin am hienghai hi,A lo hring ni tang a ta?' Tiin la'n don ngei i tih."
22. LALPA Pathienin hieng hin a tih:"Ngai ta, hnam tin hmuah ban vaiin,Jentelhai chu hui ka ta, I naupahai hung pom an ta,I naunuhai hung puong an ta,I kuomah hung thuoi an tih.
23. Lalhai chu i paah siem ka ta,Lalnuhan enkol an ti che.Bokkhupa hmaia hnuoi sikin,I hmaah hung kun an ta,I kea pilvut chu liek an tih.Chu pha chun kei hi LALPA,Ka nizie hung hrieng i tih.Ka chunga beiseina neituhai chu,Muolpho ngai naw ni hai" tiin.
24. Mi huoi rallak chu tuin am,An inchu thlak ngam hlak a?Mi kolsen sal man chu tuin am,An san suok ngam hlak a na?
25. LALPA chun hieng hin a hril:"Mi ralhrat kuta inthokin,Salhai chu lapek ka ta,Mi kolsen kuta inthokin,A rallakhai la kir ka tih.Nangma dotu chu do ka ta,I nauhai san suok ka tih.
26. Nangma neksawrtuhai chun,Anni taksa la fang an ta,Uoiin inrui ang elin,An thisen inrui an tih.Chuongchun hringmi tinrengin,Kei hi LALPA, in Sandamtu, In Tlantu le Israel Mi Hrat chu,Ka nih ti hre tang an tih" tiin.
←  Isaiah (49/66)  →