←  Isaiah (48/66)  →
1. Aw, nangni Jakob sungkuo,Nangni Israel hming chawitu,Juda thalbea inthoka suok,Thutak le felnaah ni loa,LALPA hminga inkhama,Israel Pathien hming lamtuhai,Hi thu hi lo ngaithla ro:
2. "Khawpui thienghlim mi le saTiin in inko hlak a,In innghatna Israel Pathien khom,A hming Iengkim LALPA a nih.
3. Kha hmaa thil tlunghai kha,Tiena ka hril lawk sa a na,Ka bau ngeiin ka puong a,Kei ngeiin ka'n hriettir a,Chuonghai chu ka hlen thut a,Chuongchun an hung tlung ta a.
4. In lululzie ka hriet a,In ring tha chu thir ang a na,In bawk khom dar angin a chang.
5. Kan milemhai thaw a nih,Kan thing milem siemhai leKan thir sung pathienhaiin,An intlungtir vong a nih'In ti thei nawna dingin,Hieng thil hung tlung hma dai hin,Ka hril lawk cheu a ni kha.
6. Hieng thil hi in hriet tah a,Indik in ti hle naw maw?Tuta inthok ruok hin chu,Thu thar hril tang ka ti cheu,In hriet lo thil inthup chu.
7. A hmaa in hriet ngai lo,Tuta ka'n umtir a nih,'Kan hriet ta sa vong a nih'In ti thei nawna dingin.
8. Nain in hriet ngai naw a,Lungrilin in hriet ngai nawh,Hun sawt taka inthok khan,In na a var ta si nawh.Vervek taka thaw hlak mi,In nizie ka hriet chieng a,In pienga inthok hrima,Hel hmang tia ko in nih.
9. Ka sat thlak nawna ding cheuin,Ka hming zarin ka lungsen,Ka'n kei tim hram hram hlak a,Inpak ka hlawna dingin,In chungah ka'n sum a nih.
10. En ta u, ka sukthienghlim cheu,Tangkaruo ang chu ni loin,Tuorna meiin ka fie cheu hi.
11. Keima le keima zarin,Keima le keima zar chauin,Hieng thil hi ka thaw a nih.Ieng leiin am ka hming hi,Sukhmelhemin um a ta?Mi dang kuomah ka ropuina,Pe suok ngai hrim hrim naw ning.Kura, LALPA mi thlang
12. Aw, nangni Jakob sungkuo,Nangni Israel hming chawituhai,
13. Hnuoi innghatna lungphum chu,Ka kut ngeiin ka phum a,Van khi ka kut chang tiengin,Ka kei phar a, ka zar a,Ka ko pha an ngir thup hlak.
14. In renga hung inkhawmin,Ka hril hi hung ngaithla ro.Hieng thil hi milemhai lai,Tu'm hril lawk thei an um a?LALPA thlang Kura ngei chun,Babulon chunga a thiltum,A rengin hung hlen a ta,Kaldai mihai chunga chun,A kut chu hung thlak a tih.
15. Keima ngeiin ka hril hi,Ama chu ka ko ta a,Ama chu hung thuoi ka ta,A thilthaw hlawtling a tih.
16. Ka kuom hung pan hnai unla,Ka hril hi hung ngaithla ro:Thu ka puong hmasa tak khan,A rukin ka hril naw a,A hung tlung hun lai khomin,Keima chu um zing ka tih."Tuhin Chunghnungtak LALPA chun,A Thlarau leh a mi tir a nih.A mihai ta dinga LALPA thil tum
17. Nangni intlantu LALPA, Israelhai Mi Thienghlim chun,ieng ang hin a hril a nih:" LALPA in Pathien chu ka nih,In thatna dinga zirtirtu,zKal chawi dan hriltu cheu chu.
18. Ka thu in ngaithlak phot chun,Inremna chu in chungah,Tui ang luong dem dem a ta,Felna khom tui fawn angin,In chungah fawn vel a tih.
19. Tieulung ang hiela tamin,In thlahai hung pung an ta,Pilvut anga tiem seng lo,Tu le te hung nei in ta,An hming chu ka hmaa hin,Thai bo ni ta ngai naw nih..
20. Babulon suoksan unla,Kaldaihai tlan hmangsan ro.Hi thu hi hlima khekin,Hrilin puong dar vel unla,"LALPAN a siehlaw Jakob,A'n tlan tah" tia hrilin,Hnuoi kil tinah puong dar ro.
21. Thlalera a thuoi lai chun,Dangchar hrim an hriet naw a,Lungpuia inthokin tui,An ta di'n a'n luongtir a,Lungpui chu a vuok koi a,Tui a'n chik suok zur zur a.
22. "Mi rilo ta ding ruok chun,Muongna hrim hrim a um nawh"Tiin LALPA chun a hril.
←  Isaiah (48/66)  →