←  Isaiah (47/66)  →

---

1.

Aw Babulon naunu

2.

Bu rawtna lung kha chel la,Bei ding buhum rawt phit rawh.I hmai inkhumna kha hawk la,I puonbil kha hlim sing la,I pheikhokhai hlip vong la,Ke lawngin tui pal kai rawh.

3.

Saruok filin um i ta,I zamaw inlang a tih.Phuba ka lak ding a na,Tu khom hla hrim nei naw ning.

4.

Am'in Tlantu chu Israel Mi Thienghlim,A hming chu Iengkim LALPA a nih.

5.

Aw Kaldai naunu, to zingin,Thimthama hin inthung rawh,'Ram tin lalnu' ti hrim hrimin,Ko ta ngai nawng an ti che.

6.

Ka mihai chunga lungsenin,Ka rochanhai ka soisak a,I kutah ka'n hlan tawl a,An chungah za i ngai naw a,Tar chen khom indoi loin,Phur rik tak i'n phurtir a.

7.

Lalnu ni kumkhuong ka tih'Tiin ni song i'n ring a.Sienkhom hieng thil hrim hrim hi,I lo ngaituo ngai naw a,Thil la hung tlung theihai khom,Sut nachang i hriet bok nawh.

8.

Chuleiin, nang hoithawnu,Ngaingam taka khawsain,'Kei hi ka ni el a nih,Kei naw tu khom an um nawh;Hmeithai ni ngai nawng ka ta,Nauhai chan ngai naw ningah'I ti hlak a ni naw maw?

9.

Chu pahni chun thawklekhatin,Hung nang thut an ti che a,Ni khatah tlung ruol a ta,Nau chanin hmeithai i tih.Ieng anga aisan thiemin,I dawithiemna hmang la khom,A kimin hung tlung a tih.

10.

I ritlona ringsanin,'Tu khomin an mi hmu nawh'I ti hlak a ni naw maw?Var le hrea inngai a,'Kei hi ka ni el a nih,Kei naw tu khom an um nawh'I ti hin a thuoi suol che.

11.

Sietnan tlak buok a ti che a,Dang ngaina hrim hre naw ti nih.Vangduoinan tlak buok a ti che a,Intlan suok zo naw ti nih.Sietna runpuiin hriet lawk loin,A nang thut ding che a nih.

12.

I naupang lai a'nthoka,Mitvaidawi le dawithiemhai,I lo ngaisang hlakhai khan,An san thei ding phot che chun,Chuonghai chu ko khek ta la!Mipuihai pangzat ding zawng,Thawpek nawk ding che'n ngen rawh.

13.

Remruottu i hau taluo hi,I sawl pha lem a ni hi.Van arasihai hmanga,Thil hung tlung ding hril lawk thiem,Thla kipa ding hrillawktuhan,Hung thangpuihai sienla che,Thil hung tlung ding laka chun,Hung san suok che raw se chu!

14.

Sienkhom, meia kang hmang thei,Bupawl ang chauh an ni si.Meichok laka inthokin,An in san suok thei si nawh.Thuka mei awi ang an nawh,An ta dingin a sa taluo.

15.

I naupang laia inthoka, I lo thokrimpuihai leI lo indawrpuihai kha,Chuong ang chauh chu an ni si.Mi tinin an lam inhmang,An la zui tawl ngat ngat a,San suok ding che an um nawh.

---

←  Isaiah (47/66)  →