Isaiah (34/66)  

1. Hnam tinrenghai, hung hnai unla,Ngaithla dingin hung inkhawm ro!Aw hnamhai, ngai poimaw ro,Hnuoi le a sunga um po po le,Khawvel le amaa suok po po khomin,An rengin ngaithla raw se.
2. Hnam tin chungah LALPA a lungsen a,An sipaihai chungah a lung an ling.Anni chu sukse vong a ta,That dingin pe suok a tih.
3. Thathai chu pei suok an ta,An ruong thu vut vut a ta,Tlanghai chu an thisenin,Luong khumin chie zop a tih.
4. Vana arasihai khi,Sukbohmangin um an ta,Van khi lekhabu angin,A zuolin la zuol a tih.Vana umhai po po khi,Grep hna tawl hnung ang le,Theichang ra vuoi ang elin,La hung til thla vong an tih.
5. Vanvela khin ka kawlhnamin,A khop tawk a dawn ta a, En ta, hnam ka suksiet hnung,Edom chungah ro rel dingin,A hung tum thla ding a nih.
6. LALPA kawlhnama kai chu,Thisen le thau inpol a nih:Beram le kel thisen dam,Beramchal kala thau dam.LALPA chun Bozrah khuoah,Inthawina la hmang a ta,Edom mihai that teu a tih.
7. Ramsielhai leh that a ta,Bawng tuoi le bawngchalhai leh.An ram chu thisena zopin,An pilvut chu thauin tlor a tih.
8. LALPAN phuba a lak ni,Zion chunga Edom thilthaw,A thungrul kum a ni si a.
9. Edom vadunghai po po chu,Alkatara angin inchang a ta,A pilvut chu kat chok angin,A ram phekin chok a tih.
10. Sun le zan mit naw ni a,Kumkhuoin khu tung a ta,Suon an um sung po po chu,Sukramin um tang a ta,Tu khomin sir ta naw nih.
11. Simbu le chingpirinu hai,Mungek le vaak ruolin,pChu hmun chu hluo tang an tih.Pathienin Edom chunga chun,Chi-aina hrui kei zam a ta,Inkhina hmol a hmang khom chu,Tlakram derna hmol ning a tih.
12. A ram optua thang nuom,Tu khom um naw ni hai a,Hotu ding um naw ni hai.
13. Lal in chu hlingin bawm a ta,Theihmi le zakthlai bilin,An kulhai chu inchang a ta,Sihalhai le chingpirinuhai,Tuol lengna hmun ni tang a tih.
14. Thlalera ram sahai chu,Satene ruol leh tlang an ta,Sakelin sakel ko a ta,Zana fak zong hlakhai chun,Chu taka chun hmun khuorin,Zanah rieknan hmang an tih.
15. Chu chun simbuin bu sep a ta,Intuiin op keu a ta,A thla hnuoiah op khawmin,A te hruoihai chu chawm a ta;Muzum khomin a kop kopin,Riekna hmunah hmang bok an tih.
16. LALPA lekhabuah en ro, Chuonghai chu pakhat te khom,A kim lo um naw ni hai a,Koppui bo um bok naw nih.A bau ngeiin thu a pek a,A Thlarauin thuoi khawm a tih.
17. An chan seng a ruotpek a,Ama kut ngeiin a sem a,Kumkhawtluongin hluo tang an ta,Suon an um sung po po chu,Chu taka chun cheng an tih.

  Isaiah (34/66)