←  Isaiah (33/66)  →
1. Aw, nang suksetu Asuria,oSuksieta um ve ngai si lo,Aw, nang mi dawhaa thaw hlak,Mi dawhaa um ve ngai si lo,I chung a va hang pik de aw!Mi i suksiet zo pha leh,Nang khom suksiet ning i ta,Mi i dawha zo pha leh,Nang khom dawhang an ti che.
2. Aw LALPA, kan chungah zangai la,Nangma a nih kan ngai chu.Tuk tina kan hratna ni la,Beidong nia kan sandamna ni rawh.
3. I rawl inri dur dur chu hrein,Mipui an tlan se dur dur a,Nang i hung inthok meu chun,Hnam tin an tlan dar chum chum.
4. Aw Asuria, i rallak sumhai chu,Khau intam anga tamin,Inchu thlakpek che tumin,Hung baw sup sup an ti che.
5. Van sanga khin ropui takin,LALPA chu chawisangin a um,Indik tak le fel takin,Zion-ah ro hung rel a tih.
6. Ama chu in dam sunga,Nghet taka in innghatna,In sandamna le varna,Hrietna robawm ning a ta,Robawm hongna chabi chu,LALPA tina ning a tih.
7. En ta, an pasalthahai saw,Kotthlerah an tap khek a,Inremna palaihai khom,Lung na takin an tap saw!
8. Lamlienhai a thing thuop a,
9. Ram chu tapin a chau a,Lebanon inzakin a ngui a,Saron chu thlaler a'n chang a,Basan le Karmel tlanga,Thing hnahai an til zo tah.
10. LALPA chun hieng hin a tih:"Tu hin hung tho suok ka ta,Keima in chawisang ka ta,Ka ropuizie tar lang ka tih.
11. In nau von chu favai a na,Bupawl in hung hring suok a;Meichok in inthuok suok chu,Nangni kang hmangtu a nih.
12. Chinai ang elin mihai chu,Meipuia raw ning an ta,Hling tawl angin pei an ta,Kang hmang vong an tih" tiin.
13. Nangni ram hlaa mihai,Ka thilthaw hi lo hre ro;Nangni kar hnaia umhai,Ka thilthawtheizie hre ro.
14. Ziona mi suolhai chu,Tiin an inthin hawp a,Pathien inza nawhai chu,Inthinnan a man tawl a,"Kang hmang thei meichok lai hin,Tu am khawsa thei an ta?Kumkhuoa chok zing mei hi,Tuin am tuor thei an ta?" an tih.
15. Indik taka kalchawihai,Thudik chauh hril hlak mihai,Pawnglakna leia hlawkna,Hmutuhai lungten mihai,Thamna la nuom nawtuhai,Mi that dinga rotna thu,Ngaithla nuom ngai nawtuhai,Suol ngaituonahai laka,Nakawr hip tlat hlaktuhai chu,
16. Hmun insangah cheng an ta,Tlanga suonglungpuihai chu,An himna kul ning a ta,Fak ding pekin um an ta,Tui tlasam ngai naw nihai.
17. Lal hmel mawi chu hmung an ta,Ram inzar duoi la thlir an tih.
18. In thlaphang hun in thlir kir chang,Asuria hotu lien tak dam,An rallak sumhai tiemtu dam,Ral vengbuk zat tiemtuhai dam,Lungrilin la ngaituo suok in ta,'Khaw lai am an um zo ta a?'Tiin in la'n don ding a ni si.
19. Chuong ang mi kol takhai leTong hriet thei lo hmangtuhai chu,Hmu nawk ta ngai naw ti niu.
20. Ei kutna hlak Zion tlangpui,Jerusalem, muongna khawpui,Umhmun nghet in khuorna chu,Mitin thlir lem tang in tih.In puon in thlungphunhai khom,Pot phawi ni ta ngai naw ni a,In puon in keina hruihai khom,Intan ngai hrim hrim naw nih.
21. Chu taka chun LALPA chu,A Ropuitak ning a ta,Ama chu hnar tam tak nei,Vadungpui ang ning a ta,Hmelmahai long hrim hrimin,Long kar chi le long lienin,Chu chu lut thei naw ni hai.
22. LALPA chu ei ro reltu a na,LALPA chu dan mi petu a na,LALPA chu ei lal a na,Ama chun mi sandam a tih.
23. In long hrui inthla fuol in ta,Long ngulah vet ngai naw ni a,Puonzar in zar ngai bok naw nih.Rallak sum tam tak insem in ta,Kebai chenin phur veng an tih.
24. Zion tlanga cheng tu khomin,"Ka dam nawh" ti nei naw ni hai;Chu taka chenghai suolna chu,Ngaidamin um vong tang a tih.
←  Isaiah (33/66)  →