←  Isaiah (30/66)  →
1. LALPA chun hieng hin a tih:"Nau helhmanghai chung chu a pik!Ka remruotna thang ve der lo,Anni thil phan chu an thaw a,Ka thlarau thang der loin,Anni karah thuthlung an siem a,An chungah suol an intieng a;
2. Keima mi rawn der loin,Aigupta ramah an fe thlak a,Faraw humhalna ngenin,Aigupta angsung an pan a.
3. Sienkhom Faraw humhalna chu,Anni sukzaktu chauh ning a ta,Aigupta angsung an bel chu,An muolphona chauh ning a tih.
4. An hotuhan Zoan an tlung a,An palaihan Hanes an tlung tah.
5. An ta dinga hmangna bo der,Thangpui thei lo, hlawkna nei lo,Inzakna le muolphona chauh,Pe theitu hnamhai lei chun,An rengin muolpho an tih.
6. Negev-a ramsahai chungthu chu:Harsatna le beidongna ram,Keipui le keichalhai lengna,Rulriel le rul vuong thei tamna,Tangkai lo hnamhai pek dingin,Palaihaiin an sum le paihai chu,Sabengtung ruol inphurtirin,An sanghawngseihai thlukvumahAn rosumhai an inphurtir.
7. Aigupta thangpuina chu,Hmangna bo der a ni leiin,'Rulpui Kawkbo' ka ti a nih.
8. Tu hin fe la, an ta dingin,Lung phekah ziek thlapek la,Lekhabuah ziek thla bok rawh,Ni la hung tlung pei dinga hai,Hrepuitu ni kumkhuo dingin.
9. Hienghai hi hnam helhmang,Nau khelhril hmang tak el,LALPA thupek ngai pei lo an nih.
10. Hretheituhai kuoma chun,"Inlarna hmu ta naw ro" an ta,An zawlneihai kuoma khom,"Thu dik mi hril lawk ta loin,Ngaithlak inhoi chauh hril unla,Duthusam thil hril lem ro.
11. Hi thil hi tawpsan unla,Hi lampui hi petsan ta ro;Israel Mi thienghlim lehMi'n hmasontir ta naw ro" tiin.
12. Chuleiin, Israel Mi thienghlim chun:"Nangnin ka thu hi hnawla,Inpawngnekna le inhlemna thuRinga in innghat lem leiin,
13. Lung bang sang, kak puom pur,Thawk le khata chim thut angin,In suolnan del chim thut a ti cheu.
14. Belhemtu'n indoi loa,Bel a vuok dar vong angin,Vaw dar vong a ti cheu a,A koihar mei luokna khop,Bela tui luokna khop khom,Rut ding um naw nih" tiin.
15. LALPA Iengkim LALPA, Israelhai Mi Thienghlim chun,Hieng ang hin a ti a nih:"Inlamleta um tok tok hi,In ta dinga sandamna a na,Dei dapa um le ring ngam hi,In ta dinga hratna a nih.Nisienkhom in nuom si nawh.
16. Kan nuom ve nawh,Sakor chungah chuong kan ta,Tlan hmang kan tih' in tih.A nih, tlan hmang mol in tih.'Sakor hratin tlan hmang ei tih'In ti vel vei a ni naw maw?Sakor hrat lemin hnot an ti cheu.
17. Mi pakhat inthi le hrawkin,Mi sangkhat tlan sieng in ta,Mi panga inthi le hrawkin,In rengin tlan sieng in ta,Tlang sipa in puonzar khai chu,A malin tlansietsan in tih.
18. Chuleiin, in chungah zangai dingin,LALPAN a la nghak zing cheu a,Lungsietna inhmutir ding cheuin,A mong a phong zing a nih.LALPA chu rorel thiem Pathien a na,Ama nghaktuhai chu an eng a thawl.
19. Aw Zion mipui, Jerusalema chenghai, tap ta naw ti niu. Thangpui in hnina rawl ri a hriet pha chun ieng ang lawmin am a lunginsiet ding cheu chu! A hriet charin hung don a ti cheu.
20. LALPAN vangduoina bu le tuorna tui pe sienla cheu khom, in Zirtirtu chu inbi hmang zing ta naw ni a, in mit ngeiin hmu tang in tih.
21. Chang tieng amanih voi tieng amanih in pet chang khomin, in hnung tienga inthoka, "Hi hi lampui chu a nih, hi tieng hin fe ro" tia hrilna rawl chu in na ngeiin hrieng in tih.
22. Chu pha chun tangkaruo le rangkachaka siem in milemhai chu tenin, nuhmei thla pal laia a sukporche puon angin, "Thuruk sek" tiin peihawn in tih.
23. Loa in thlai chi thehai tona dingin ruotui hung tir a ta, a ramin bu le bal a tontawin tharsuok a ta, chu pha chun in ranhai chu hmun hring incham duoiah tla tang an tih.
24. In ran sor bawngchal le sabengtunghai chun chi saw ran bu tha, thirkut le suodura chok hruoi chu fa tang an tih.
25. Chu ni, in hmelmahai phek sam a, an kulbing sanghai in sukchim dur dur ni chun tlang tin le muol tina inthokin tui hnar hung luong suok a tih.
26. LALPAN a mihai sukdam a, an hliemhai a tuompek ni chun, thlapa chu nisa angin var a ta, nisa chu a let sariin, ni sari sunga a var po po tlukin hung var tang a tih.
27. En ta u, hla taka inthokin,Lungsenna mei chok puot puot,A khu intur ngul ngul leh,LALPA hming chu a hung ie!A bau chu lungsennain a sip a,A lei chu meichok angin a'n hlap.
28. A thuok chun tui lien sang angin,An ring chenin a chim a,ietna leidarah hnamhai chu a sep a,Hnamhai chu thuoi hmang dingin,An bauah sietna thirbar a'n buk.
29. Nangni ruok chu kut thienghlim in hmang tir zan ang khan hlim takin hla sak in ta, Israelhai Lungpui, LALPA tlang pana theihle mut ri leh inawi a, in insom tung duol duol lai ang khan hlim in tih.
30. LALPA chun a rawl ropui tak insuong a ta, a kutthlak chu mi tinin hmung an ta, a lungsenna rapthlak tak chu kang hmang thei meichok puot puot ang le ruopui vanawn sur le thlipui hrang le riel tla dur dur angin hung tlung a tih.
31. A hmoltuma a vuok pha chun, LALPA rawl leiin Asuria chu inthin hawp a tih.
32. LALPAN Asuria chunga hremna kut a thlak zatin khuong vawin tingtang tum in ta, a kawlhnam vaiin anni chu bei a tih.
33. Asuria lal rawna ding chu buotsai diem a ni ta a, khur inthuk tak le lien tak a na, thing an buk vum thur a, sukkang dingin LALPA chun kat vadung anga luong meichok inthuok suok a tih.
←  Isaiah (30/66)  →