←  Isaiah (29/66)  →
1. E khai, nang Ariel, Ariel,Davida chengna khawpui,I chung a va hang pik ngei de!Kum tinin, kum tin elin,In kut hunhai tlung pei raw se.
2. Sienkhom, Ariel chu inhuol ka ta,Lusunin tap inrum a ta,Ama chu ka ta dingin,Maicham thuk ang ning a tih.m
3. Bei dingin inhuol ka ti che a,I velin hnuoi sung pawng ka ta,Thamte daw huol khum ka ti che.
4. Hnuoi rila inthoka tong angin,I rawl chu pilvut laia inthokin,Damtein hung inri suok a ta,Hnuoi sunga inthoka thlarauin,A hung biekruk ang ela damin,Pilvut lai i rawl hung suok a tih.
5. Sienkhom, nangma dotuhai chu,Pilvut dip ang inchang an ta,Mi tawrot ruolhai po po chu,Busi len dar ang hung ning an tih.
6. Mit khap kar loin, inrang takin,LALPA Iengkimthawthei chun,Vaninrum dam, lirnghing dam,Ri nasa tak dam, thawngaleivir dam,Thlipui le kang hmang thei meiin,A hung kan ding che a nih.
7. Ariel dotu hnamhai po po,Ama le a kulbing beitu po po,A suklungzingtu po po chu,Zan mang ang inchang an tih.
8. Phingtamin mangah bu a fak a,A har pha a khop chuong naw a,Dangcharin mangah tui a dawn a,A har pha a lo la chau zing a,A dangchar a re chuong naw angin,Zion tlang beitu hnam po po khom,Chuong ang chu la ning a tih.
9. Maktiin ka hak ro!In mit ar-inta sien la,In mit sukdel law law ro!Uoiin dawn ve si loin,Inrui hriel hrep unla,Rakzu intem si loin,Pem tliei tlieiin lawn ro.
10. LALPAN inlusukna hrivoi,In chungah a buok ta si a;Zawlneihai mit a tuompek a,Hmutheituhai lu a khupkhum.
11. Hieng inlarna po po hi in ta dingin lekhabu char tlat sunga thu ang a nih. A tiem theituhai kuomah chawi a, "Mi tiempek hram raw khai" in ti chun aman, "Ka tiem thei nawh, char tlat a ni hih" ting a tih.
12. Chun, a tiem thei nawtu kuomah in chawi a, "Mi tiempek hram raw khai" in ti chun aman, "Lekha ka tiem thei nawh" ting a tih.
13. LALPA chun hieng hin a tih:Hi mihai hin bauin an mi hnai a,An hmurin an mi chawimawi a,Lungril ruok chun an mi hlat hle si.An mi chawibiekhai khom hi,nMihriemin an inzirtir dan angaAn thaw vel mei mei a nih.
14. Chuleiin, hi mihai chunga hin,An lung sukthawngna dingin,Thilmak tak tak thaw nawk ka ta,An mi varhai varna la bo a ta,An mi thiemhai thiemna re dai a tih.
15. LALPA laka an thil phan ruk,Thup tumtuhai chung chu a pik!A ruka an thawa inngaiin,"Tuin am mi hmu thei a ta?Tuin am a mi hriet a?" an tih.
16. A letlingin thu an lak a nih!Bepilin a hemtu a tluk hlak maw?Thilsiemin a siemtu kuomah,"I mi siem ka ni teu nawh"A ti hlak hrim hrim am a ni?Thilsiem chun a'n dintu kuomah, "Ieng khom hriet i nei der nawh" A ti hlak hrim hrima maw?
17. Sawtnawteah Lebanon chu,Lo hnienghnarah inchang a ta,Ramngaw angin zing dup a tih.
18. Chu ni chun nasethaiin,Lekhabu thu tiem ri hrieng an ta,Thima thung mitdelhai mit khom,Hung varin hmu tang an tih.
19. Retheihai chun LALPA-ah,Lawmna hmu nawk tang an ta,Israel Mi Thienghlim hmaah,Pasiehai khom hlim an tih.
20. Mi tawrothai re tang an ta,Hmusittuhai bo tang an ta,Suol thaw ding meltuhai chu,Sat thlakin um tang an tih.
21. Mi dang suola intum ching,Roreltuhai khal awk a,Mi indik khom thu hmang loa,Intuortir hlaktuhai chu,An rengin bo tang an tih.
22. Chuleiin, Abraham sansuoktuLALPA chun Jakob sungkuo chungthu, hieng ang hin a hril a nih:Jakob muolpho ta naw ni a,A hmai mawk ta ngai naw nih.
23. Ka pek ngei a nauhai chu,Anni lai a hmu pha chun,Ka hming vong thienghlim an ta,Israel Mi Thienghlim chu pomin,Jakob Pathien chu ti tang an tih.
24. Thlaraua fe suolhai khomin,Hrietthiemna nei tang an ta,Mi chier hmang hlakhai khomin,Zirtirna zawm tang an tih.
←  Isaiah (29/66)  →