←  Isaiah (23/66)  →

---

1.

Tura khaw chungthu chu:Aw Tarsisl longhai, tap ro,Tura chu suksietin a um ta a,In le long chawlna a nei ta nawh.Kupraa thuthang in lo hriet kha,Thu indik a ni si a.

2.

Longpuhaiin an sukhausa,Tuipui kama chenghai leSidona sumdawngtuhai,To thiepin ta ta ro khai.

3.

Tuipuia sumdawnghai chun,Nile vadung kam tharsuok,Sihor-a bu chu an hung tol a,Hnam tinin an hung inchawk a,Tura sum hnar tak a nih.

4.

Inzak rawh, aw Sidon,Nang, tuipui kama kulpui nghet,Tuipui chun hieng hin a tih:"Nauha se ka'n voi ngai naw a,Nau khom ka hring ngai bok nawh;Naupa ka chawm tlei naw a,Naunu ka kei tlei bok nawh" tiin.

5.

Tura chanchin an lo hriet pha,Aigupta mihai beidong an tih.

6.

Tarsis tieng tlan hmang ro,Tap ro, thlierkara chenghai.

7.

In khawpui hlui, hlimhlop chenna,Khawtotima inthoka khawpui,Hla taka hmun khuor dinga,Thuoi hlaktu cheu khawpui kha,Hi khawpui hi a ni naw maw?

8.

Lala mi tam tak indin suoktu,Mi hausa tam tak indintu,An sumdawngtuhai khom,Khawvel hrieta mi hmingthang,Tura chunga tlung dingin,Tuin am hieng hi a ruot a na?

9.

Iengkim LALPAN a thaw a nih,An ropuina suonghai suktlawm a,Hnuoi mi larhai sukmuolpho dingin.

10.

Aw, nangni Tarsis mihai,Nile vadung kam an thaw angin,Nangni khomin in ram inlet ve ro,Long chawlna in nei ta si nawh.

11.

LALPAN tuipui chungah kut inletin,Lalram tam tak a sawi hning a,Foinikihai kul po po khom,Sukse dingin thu a pek a.

12.

Chun, ama chun an kuomah,"Aw Sidon naunu, nu thienglam,Tuhin intlawmin i um ta hi!Thoin Kupra-ah fe thla la khom,Chu chun him chuong naw ti nih.

13.

En ta, Kaldaihai ram hi,Ti khop mi an um ta nawh.Thlalera ram sahai tlatna dingin,Asuria-han an inchangtir zo tah.A'n huolna di'n in sang an bawl a,An kulhai chu an rok fai kel a,An sukchim vong bok a.

14.

Tarsis longhai, tap inrum ro,In kul suksietin a um ta si.

15.

Chu pha chun Tura khuo chu lal dam kum zat kum sawmsari sung chu theinghilin um a ta; sienkhom kum sawmsari hnunga chun, nawchizor hlaa a hril angin hung um nawk a tih:

16.

Tingtang tumin khawpui fang rawh,Mi theinghil hnung, aw nawchizor;Tingtang tum la, hla sak teu rawh,

17.

Kum sawmsari hnungah LALPAN Tura chu hung sir nawk a ta, a sumdawngna hung sunzom a ta, khawvel ram po po leh nawchizor angin hung indawr ton nawk an tih.

18.

A sum lam suok le a hlawhai po po chu LALPA ta dinga ser hran hung ni tang a ta, hmang loa khawl khawm ni ta naw nih. A hlawkhai chu LALPA hmaa rongbawltuhai peng a tih, fak le dawnah hnienghnar a, silfen tha le mawi an nei theina dingin.

---

←  Isaiah (23/66)  →