←  Isaiah (22/66)  →
1. Jerusalemk chungthu chu:Iengin am a sukbuoi cheu a,In chunga in kai seng hi?
2. Khawpui inzi nuoi nuoi el,Hlima inri beng bung hlak kha,Nang hi i nih an naw maw?I mithi ruong zal khep khup hi,Kawlhnama that an ni naw a,Indoa thi an ni bok nawh.
3. I roreltuhai an tlansie a,Hriem hmang loin an man vong a,Intang dingin an thuoi tawl a,Hmelma hung tlung hma dai a,Lo tlansie tawl vong an nih.
4. Chulei tak chun an kuomah,Hieng ang hin ka hril tawl a:"Mi fesan vong tawl ro khai,Ka mi an thathai ruong hi,Lung na takin tang ka tih,Mi hnem khom tum naw ro" tiin.
5. Lalpa, Iengkim LALPAN,Chi-aina le sietna tibaium tak,Inlarna Ruoma a'n tlungtir ni chun,Jerusalem bang a chim dur dur a,Tlang tinah beidongin an khek chul.
6. Elam miha'n thal bawm an pai,Sakor tawlailirah an chuong a,Kir miha'n an phaw an phor.
7. I ruom mawi taka chun tawlailir,An inhnaw sip hmur el a,Sakor chung chuong pawlhai chu,I kot bulah an tlim hmur a.
8. Judahai inhliekhuna kul chu,Phin darin a hung um tah.Chu ni chun Lebanon Ngawpui Run-ah,Ralthuom lam dingin in fe a;
9. Davida khawpui kul sietna laiHang tamzie chu in thlir vel a,Dil chuonhnuoiah tui in sek khawl a.
10. Jerusalem inhai chu in tiem a,A then bang tholna di'n in thiek a.
11. Dil chuonchunga luong lut di'n,Kul bang pahni inkarah,Tui sie khawlna in siem a;Sienkhom, tiena inthokaChuong thilhai lo ruot lawka,Hung intlungtirtu ruok chu,In ngaisak ta hrim hrim nawh.
12. Lalpa, Iengkim LALPA chun,Awm inchuma tap ding leLu vaw kola saiip sil di'n,Chu ni chun a ko cheu a.
13. Sienkhom bawng le beram thatin,Ruoi thea uoiin dawnin,Hlimhlop chenna'n in hmang a,"Khai leh, fain dawn ei tiu,Zinga thi el ding ei ni hih"In ti tawl lem hlauh si a.
14. Hi suolna hi in thi ni chenin ngaidam ni hrim hrim naw nih tiin Iengkim LALPA chun ka kuomah a hril. Chu chu Lalpa, Iengkim LALPA rorel chu a nih.
15. Chu bakah Lalpa, Iengkim LALPA chun, "Lal sum enkoltu Sebna kuomah fe la, hmaisanah hi thu hi va hril rawh:
16. Hi taka hin iem i thaw a?Hi taka hin i thlan ding,Tlang pangah lung ker dingin,Tuin am phalna a pek che a?
17. Ngai ta, fimkhur hle rawh,LALPAN a tham tep ta che a,Aw, nang mi ropui bung bung,A peihawn dai ding che a nih.
18. Thil hlum angin tham a che a,Ram zau takah deng lut a ti che.Chu taka chun i suong em em,I tawlailir bulah thing i ta,I pu insung sukzak i tih.
19. I sina inthoka ban ning i ta,I ninaa inthokin tlang i tih.
20. Chu ni chun ka siehlaw Hilkia naupa Eliakim chu ko ka tih.
21. Ama chu i korfuol inhaktir ka ta, a kawngah kawnghren hrenpek ka ta, i lalna hi a kuomah inhlan ka ta, ama chu Jerusalema mihai le Judai rama mihai ta dingin pa ni tang a tih.
22. A kutah Davida sungkuo chabi chu inhlan ka ta, a hong chu tu khomin khar naw ni hai a, a khar chu tu khomin hong naw ni hai.
23. Ama chu hnuoi changa ban nghet taka phun angin suknghet ka ta, a sungkuohai ta dinga suongum tak ning a tih.
24. A sungkuohai le an thlahai pei ropuina po po chu amaah inthlung nghet a ta, a sungkuohai laia hnuoihnung tak chen khom khaidingtu ning a tih.
25. Chu pha chun hmun nghet taka ka ban phun chu hung inhningin inkar phong a ta, chu taka inkhai po po chu chim se vong a tih, Lalpa, Iengkim LALPA chun a tih" tiin.
←  Isaiah (22/66)  →