←  Isaiah (21/66)  →
1. Babulon ram chungthu chu:Negev nuoitu thawngaleivir angin, Thlalera inthokin runtu a hung,Ram titamuma inthokin.
2. Inlarna rapum tak ka hmu a:Phatsantu chun a phatsan a,Mi roktu chun a rok a.Elam, nangnin nor tung unla,Media, nangnin hang inhuol ro.Inrumna a'n tlungtir po po chu,Ka suktawp ta ding a nih.
3. Chuleiin ka tai bawr vel,A satin a sa huoi huoi a, Nuhmei nau ha se angin,Inkon khopin a mi tham a;LALPA thilthaw tum ka hrietin,Khuo hre loin ka zoi thla a,Pangzatin ka mit a'n vai.
4. Ka lung a chawmchawrok a,Tiin ka'n thin hlop hlop a,Zan tieng ni tla innem riei,Ka nghakhla em em hlak khom,Ka pang sukzatu a nih.
5. Ruoi an buotsai a,Tuongah zampher an pha a,An fak a, an dawn a!Tho ro khai, hotuhai,In phawhai hriek nal ro!
6. LALPA chun ka kuomah," Fe la, kulah ralvengtu sie la,A thil hmu hung ripawt raw se.
7. Sakor chung chuong mi hung a hmu a,A kop kopa an hung chun,Sabengtung chunga chuong dam,Sanghawngsei chunga chuong dam,An hung a hmu pha chun,Ngun takin en chieng sien la,Inralring hle raw se" tiin.
8. Ralvengtu chu a hung khek a:"Aw LALPA, kulbing sangah,Sunnithlakin ka ngir zing a,Zan khawvarin ka um bok a.
9. En ta u, sakor chung chuong mi,A kop kopin an hung saw.Anni chun hieng hin an hril:'Babulon a tlawm tah, a tlawm tah,A pathien lemhai po po khom,Hnuoiah an tlu dar vong tah!' tiin.
10. Hrizawla bu an chil anga,Chil hrep tuok tah aw ka mihai, Iengkim LALPA thu mi'n hriettir,Israel Pathien thu ka hriet chu,Ka hril sawng cheu a ni hi.
11. Dumai chungthu chu:Seir tlanga inthokin tuin amanih,"Ralvengtu, zan a bo vang ta?Iengtik am khuo a var ding?"Tiin a hung indon a.
12. Ralvengtu chun a don a:"Khuo a var ding an tah a,Zan hung tlung nawk vak a tih;I'n don nuom nawk a ni chun,Hung kir la, mi'n don nawk rawh" Tiin ama chu a hril a.
13. Arabia chungthu chu:Aw Dedan mi, in ran ruolhai leArabia phula inkulhai,
14. Nangni Tema khaw mihai,Dangcharhai dawn ding tui hung chawiin,Raltlan chauhai ta dingin,Fak le dawn ding hung chawi ro.
15. Indona rapthlak tak hmun,Kawlhnam le thal inlengna,Thalpui an kuoinaa inthokaHung tlan suokhai an ni kha.
16. LALPA chun ka kuomah, "Inhlawfahai kum tiema kum khat sungin Kedarhaij ropuina po po chu bo a tih.
17. Kedar thlahai laia mi huoisen, thal kap mi dam khawsuok chu tlawmte ning an tih" tiin a hril a. Hi hi LALPA, Israelhai Pathien hril chu a nih.
←  Isaiah (21/66)  →