←  Isaiah (20/66)  →

---

1.

Asuria lal Sargon chun a sipai lal tak chu Filistin khawpui Asdod bei dingin a tir a, a hne a.

2.

Chuong lai chun Amoz naupa Isai kuomah LALPA thu a hung tlung a, "Fe la, i kawnga i dierkei saiip kha hlip la, i pheikhawk khom kha hlip bok rawh" a ta. A ti ang chun a thaw a, saruokin, pheikhok khom bun loin a fe ta a.

3.

Chun, LALPA chun, "Ka siehlaw Isai hi kum thum zet saruok le pheikhok bun loin a um ta a. Hi hi Aigupta chunga le Ethiopia chunga buoina nasa tak ka hung intlungtir ding inchikna chu a nih.

4.

Asuria lal chun Aigupta mihai le Ethiopia mihai chu a naupang a upain man khawm a ta, Aigupta chu muolpho taka siemin, saruok le pheikhok bun loin, mong inlangin thuoi hmang tawl a tih.

5.

Ethiopia hratna le Aigupta ropuina inhnempuituhai chu ti'ng an ta, sukzakin um an tih.

6.

Chu ni chun tuifinriet kama chenghai chun, 'En ta u, Asuria lal laka mi sanhim dinga ei ringsan le an mi thangpui beiseia ei belhai kha ieng am an chang an ta maw! Iengtin am ei insan suok thei ta ding a na?' la ting an tih" a ta.

---

←  Isaiah (20/66)  →