←  Isaiah (2/66)  →

---

1.

Amoz naupa Isaiin Judahai le Jerusalem chungchang thu a hmu chu hi hi a nih:

2.

Ni nuhnunga hai chun,LALPA tempul tlang chu,Tlang po po laia lien takin,A la hung ngir ding a nih.Tlang po po khum vong a ta,Hnam tin hung fuon khawm an tih.

3.

Hnam tinrenghai hung an ta,"Hung ro, LALPA tlangah kaiin,Jakob Pathien inah feng ei tiu;A lampui ei hraw theina dingin,A lampui mi lo zirtir a tih"Tiin an la hril ding a ni si a.Zion-a inthokin dan thu chu,Jerusalema inthokin LALPA thu,A fe suok ding a ni si a.

4.

Hnam tin inkar thu rel a ta,An thubuoi rel felpek a tih.An kawlhnamhai chu langkumah,Leiletna dingin sut tang an ta,An feihai theikung tanna chemin.Hnam dangin hnam dang chungah,Kawlhnam inlet ta naw ni a,Raldo dan inchuk ta naw ni hai.

5.

Hung ro, aw Jakob sungkuohai,LALPA vara chun leng ei tiu.

6.

I mi, Jakob sungkuohai chu, I lo thlauthlak ta si a.Khawsak tieng dawi an hmang a,Filistin zawlneihai chu ruoiin,Ringnawtuhai leh kut an insui.

7.

Chuong mihai chengna ram chu,Tangkaruo le rangkachakin a sip a,An sum hauzie hriet phak an nawh.An ram chu sakorin a sip a,Sakor tawlailir tiem seng lo an nei.

8.

An ram chu milemin a sip a,An kuta siem hmaah an kun a,Kuta an siem ngei hmaa chun.

9.

Mihai chu rawt hnuoi ning an ta,Mihai chu suktlawm ning an tih,Ngaidam tawl hrim hrim naw rawh.

10.

Lalpa tiumna le mawina ropuiLaka inbi hmang dingin,Lungpui kara hai lut ro.

11.

Mit meng sang chu sukhnuoi a ta,Mi chapo chu suktlawm a tih.Chu ni a hung tlung pha chun,LALPA chauh chawisangin um a tih.

12.

Chapo le inngaisanghai ta dingin,Iengkim LALPA chun hun a ruot a,Chawisanga um po po chu,Suktlawmin la um vong an tih:

13.

Lebanona sidar thing insanghai,Basana saisuo kung insanghai,

14.

Tlang le muol inchung lurhai,

15.

Kulbing insang le kul bang sahai,

16.

Sumdawng long ruol po po leLong ropui po pohai khom.

17.

Mi indu chu sukhnuoiin um a ta,Mi chapo chu suktlawmin um a ta,LALPA chauh chawisangin um a ta,

18.

Milem po po sukram vong a tih.

19.

LALPA a hung tho suok a, Hnuoi hi a sawi hning pha chun,A hmelmahai thlabar an ta,Hnuoi kuoah invak lut an ta,LALPA tiumna le mawina ropuiLaka inbik hmang tumin,Lungpui karah tlan lut an tih.

20.

Rangkachak le tangkaruoa siem,An milem biek hlakhai chu,Buikelek le bakhai hmaah,Pei hawnin la maksan an tih.

21.

Thoa hnuoi hi a sawi pha chun,LALPA tiumna le mawina ropuiLaka inthoka inbi hmang dingin,Lungpui kara hai tlan lut an ta,Lung tolawt karah inbing an tih.

22.

Hnara thuok la ve hlak tho,Mihriem ringsana nei hi ma ro.Ieng am ringsan tlak a ni a?

---

←  Isaiah (2/66)  →