Isaiah (18/66)  

1. Nile vadung hrula um Ethiopia,Khau anga thla zap ri hum hum,
2. Tuipuiah phairuong long hmang a,Palai hung tir hlaktu ram chu,A chung a va hang pik de aw!Hnam dolkai tha le pangti nam,An kawl le kienga mihai tisim,Hnam kol le tong dang hmang mi,Nile vadung peng dar ramaChenghai kuoma chun fe ro,Aw, nangni palai tuonranghai.
3. Khawvela chenghai po po,Leihnuoi hluotu po poin,Tlangah indona puonzar,Ka khai pha hmu seng in tih.Tawtawrawt ka mut pha leh,A ri hre seng bok in tih.
4. Hi hi LALPA mi hril a nih:"Sun luma laiking bel raw angin,Busik hun thal rum vang laia,Daidaw paitu sum ang elin,Ka chengna hmuna inthokin,To zingin zuk thlir ka tih" tiin.
5. Grep a par a, a hung ra a,Grep hmina a'n chang hmaa,Theikung thumnaa a kauhai,At bonga an dehawn angin,Ethiopia khom la sam an tih.
6. An ruonghai chu tlanga vate leRamsahai tlan di'n maksan an ta,Nipui sung vatehaiin tlan an ta,Thlasik lai ramsahan tlan an tih.
7. Chu hun chu a tlung pha chun,Hnam dolkai tha le pangti nam,An kawl le kienga mihai tisim,Hnam kol le tong dang hmang mi,Nile vadung peng dar rama um hai khom,Iengkim LALPA kuomah hungin,A hming chengna Zion tlangah,Thilpek hung chawi tang an tih.Aigupta chungthu hrilna

  Isaiah (18/66)