←  Isaiah (17/66)  →
1. Damaska chungthu chu hieng ang hin a nih:"Ngai ta, Damaska khawpui chu,Chimin tlu se vong a ta,Khawpui ni zing ta naw nih.
2. Aroer biela khuohai chu,Rausanin um vong a ta,Beram ruol bok khawm an ta,Suktitu um ta naw ni hai.
3. Kula inhuon khawpui hrim hrim,Israel ramah um ta naw ni a,Damaska inlalna khom tawp a ta,Aram mi la um sunhai chun,Israel chan ang chu chang vein,An ropuina la chuoi veng a tih,"Iengkim LALPA chun a tih.
4. "Israel ropuina chu,Chu ni chun chuoi tang a ta,A ram hausaknahai khom,Zur thla zo vong tang a tih.
5. Refaim ruoma bu sik huna,Buphal lak khawm zo hnunga,Lak hmai zong ang ning a tih.
6. Oliv ra sawi til hnung a,A zik tieng pahni pathum,A buk thatnaah pali panga,La um ang chauh ni tang a tih,"LALPA, Israel Pathien chun a tih.
7. Chu huna chun mihaiin,Anni Siemtu tieng nghang an ta,Israel Mi Thienghlim chu en an tih.
8. An kuta siem maicham tieng,Ngha zing ta naw ni hai a,Kuta siem Asera lim thing dam,Rimtui inhlanna maicham dam,Ngaihlu ta bok naw ni hai.
9. Chu ni chun khaw nghet tak tak, kha hmaa Israelhai leia Hiv mihai le Amor mihai lo tlansan ang khan an khawpui kul nghet tak takhai chu ram hnuoi chimbuk kara rausan khuo ang vong ni tang a ta, khaw ram inchang tang a tih.
10. In Sandamtu Pathien chu,In lo theinghil der ta a,In himna kul Lungpui chu,In hriet fuk ta ngai bok nawh.Hmun danga inthoka in lak,Grep tha tak phun inla khom,
11. An inthang nuom em leiin,Ni khat sungin inpartir inla khom,Grep ra hrim lo naw ti niu a,In sik ding chu lungngaina leNatna benvon chauh ning a tih.
12. Hnamhai lungsen hrang vel chu,Tuipui insok ri ang a nih!Hnamhai ri sosang dan chu,Tui tam tak ri ang a nih.
13. Tui lien sang ang hum humin,Hnamhai so buon buon sienkhom,Aman a zilhau pha chu,Hla takah tlan hmang an ta,Tlanga bu si thli len dar ang leThlipuiin kokbong a fen angin,Anni chu hnot lengin um an tih.
14. Zan tienga tium rapthlak chu,Khaw var hmain a bo zo tah!Chu chu mi roktuhai chan a na,Chu chu mi suomtuhai chan a nih.Ethiopia chungchang thu
←  Isaiah (17/66)  →