| ← Isaiah (15/66) → |
| 1. | Moab-hai chungthu hril lawkna chu:Moab rama Ar khuo chu,Zan khat thilthu'n a ram ie!Moab rama Kir khuo khom,Zan khat thilthuin a ram! |
| 2. | I mihai chun Dibon-aHmun sang tempula hai chun,Nebo le Medeba chan chu,Sunin tap tlok tlok an ta,An lu met kol vong an ta,An khakhmul khom tan an tih. |
| 3. | Kotthlerah saiip silin,In chung le tuol zawla hai,Dingthathuona inthungin,Tapin khek rong rong an tih. |
| 4. | Hesbon le Eleale tap ri chu,Jahaz chen a'n hriet phak a,Chu chun Moab sipaihai lungril,Nasa takin a sukzam a,An tap rut rut el a nih. |
| 5. | Ka lungrilin Moabhai a ta.Zoar le Eglat Selisya chenin,Mipui chu an raltlan a.Tap pum zinga pan tungin,Luhit khuo chen an tlung a,Horonaim lampui tluonin,An siet tuok chu an ta a. |
| 6. | Nimrim tui chen a kang a,Hlohai an hung vuoi zo a,Thil mawnghai an thi vong a,Hmun hring hrim a um ta nawh. |
| 7. | Rosum an khawl khawmhai chu,Phurin an tlanpui tawl a,Phahram Ruom ral tieng an pan. |
| 8. | Moab ramri intluonin,An tap ri a thangkhawk a,An chieu riin Eglaim a tlung a,An inrum riin Beer Elim a tlung. |
| 9. | Dimon vadung tuihai chu,Thisenin a pol sen kul a.Chu neka rapthlak lem chu, Dibon chungah la tir ka tih:Moab rama inthoka raltlan leA rama la um sunhai chu,Sakeibakneiin se hlum a tih. |
| ← Isaiah (15/66) → |