←  Hosea (7/14)  →

---

1.

Israel tungding ka tum pha leh,Efraim suolna ngot ka hmu a,Samaria suolna po po leh. Inhlem tuo ngot an ching a,Mi inah lutin an rok a,Tuol parah mi an suom a;

2.

An suol thaw ka hriet vong ti,Ngaituona chang an hriet nawh. An suolnan a chim vel a,Ka hmaah a'n lang zing si.

3.

Ritlonan lal an suklawm a,Khel hril thiemnan mi lienhai;

4.

An rengin uire an na,Bei siemtun bei a ur a,A bei ur puom hma poa,Mei a ti hlut hlut ang hin,Suol thaw chakin an sahal.

5.

Lalin ruoi a the changin,Mi lienhai an indawn rui a,Lal khom nuizatbura insiemin,Ama nuisawtuhai lai a thang a.

6.

An lungril chu thuk ang a na;Dawhaa lal an phierrukna chu,Zan khuo'n an lungrilah a'n ai a,Zing tieng a hung chok suok a.

7.

An rengin thuk angin an chok a,An lalhai an tlu thal rum a, Tu khom mi ko an um nawh.

8.

Efraim chu hnam danghai leZawl puon inzawn mi a na,Bei phek inlet lo ang a nih.

9.

Ram dang mihaiin a tha,An sor chau ti a hriet naw a,A sam an tuok vong tah ti khom,A hriet thei hrim hrim si nawh.

10.

Hmaisana Israel hektu chu,A chapona hi a na,Chuong chu a ni sa khomin,LALPA a Pathien zonga,Hung kir nachang a hriet nawh.

11.

Efraim chu vathu lungmawl,Hlem bawl olsam ang a na,Aiguptahai a ko khek vak,Asuria tieng a thle nawk thul.

12.

A fena taphotah lenin,Ama chu inkhum ka ta,Vate angin man khawm ka ta,An fuon khawm ti ka hriet pha,Lenin man khawm tawl ka tih.

13.

An chung a va pik ngei de!An mi nghatsan tlat si a.Ka laka hel an ni leiin,Sietna an chungah tlung raw se!Intlan suok ka nuom hlea chu,Thukhel ngotin an mi bei si.

14.

Lungril takin an mi ko nawh,Khum laizawla inhrawt an nih.Bu le uoiin an dit lei a,Inat thi neng nung an na,Ka laka helhai an nih.

15.

Zirtirin ka sukhrat tawl a,Sienkhom ka lakah thil tha lo,Anni chun an phan ruk si.

16.

Chunghnungtak kuom tieng panin, An hung ngha kir nuom naw a,Thalngul kawia kawi an nih.An hotu tong chapohai chu,Kawlhnamin sam thlung an ta,Hi lei hin Aigupta ramah,Nuizatbur inchang an tih.

---

←  Hosea (7/14)  →