←  Hosea (6/14)  →

---

1.

"Hung ro, LALPA kuomah kir ei tiu.Mi lo kei nawi tah sien lakhom,A mi sukdam nawk ding a nih;Mi lo inhliem tah sien lakhom,Ei hliemnahai tuom nawk a tih.

2.

A kuoma ei cheng theina dingin,Ni hni hnungah mi kei har a ta, Ni thum niah mi tungding a tih.

3.

LALPA chu hrieng ei tiu khai,Hre dingin thaw pei ei tiu.Khel loa ni a suok angin,A la hung inlang ding a nih.Ruotui angin hung tlung a tih,Hnuoi sukhnawngtu thal ruo angin.h

4.

"Efraim, iem ka law ding che a na?Juda, nang khom iem ka law ding che?In mi hmangaina chu tieusum ang,Zing daidaw ral nawk el ang a nih.

5.

Chuleiin, ka zawlneihai hmangin,Ka rawt nawi hlak cheu a ni kha. Ka tong bausuok thu hmangin,Ka sukhlum hlak bok cheu a,Ka rorelna chun tek tla angin,A hung deng hlak cheu a nih.

6.

Inthawina neka ka dit lem chu,Hmangaina detdo a nih;Pumraw inthawina nekin,Pathien hrietna ka dit lem.

7.

"Sienkhom Adam ang bokin,Ka thuthlung an bawsiet a,Ka lakah ringum loin,Chuong thilhai chu an thaw si.

8.

Khawpui suol Gilead hniekah,Thisen a kai zel zula.

9.

Roktuhan mi an inchan angin,Thiempuhan mi an lambun a,Sekem lampuiah mi an that a,Thil suol rapthlak tak an thaw.

10.

Israel sungkuohai lai hin,Thil pangzatum tak ka hmu a,Efraim nawchizorna chun,Israel a sukporche zo tah.

11.

Saltangnaa inthoka,Ka mihai ka thuoi kir pha,Nang ngei khomin aw Juda,I thaw ra la sik i tih.

---

←  Hosea (6/14)  →