←  Hosea (4/14)  →
1. Aw nangni Israel thlahai,LALPA thu hi ngaithla ro.A ram sungah indikna hai,Ringumna le Pathien hrietna,Hmu ding a um ta naw leiin,LALPAN a sunga chenghai,Thiem naw a'n changtir a nih.
2. Inkham, inhlem le inthat,Rukruk le uire a'n leng a,An inthat zom zat a nih.
3. Chu chu ramin a tuor a,A mi chenghai an ngui a,Ramsa le chungleng vahai,Tuipui nga chenin an tuor hla.
4. Sienkhom tu khomin mi dang,Intum hrim hrim naw raw se;In thiempuhai hi an nih,Mi heka bei hrep hlaktu chu.
5. Sun le zanin in petek a,Nangni ruolin in zawlneihai,An lo petek ve pei bok a.Chuleiin, in nu Israel hi,Ka sukbohmang ding a nih.
6. Ka mipuihai sietna bul chu,An mi hriet naw hi a nih.Nangni ka thiempuhaiin,In mi hriet nuom naw leiin,Ka thiempuah ka hnawl cheu a,In Pathien Dan in thlathlam a,In nauhai thlathlam veng ka tih.
7. Thiempu ruol an tam po leh,Ka laka hel an pung a,An Ropuina Pathien chu,An sukmuolpho takzet si.
8. Ka mihai bawsietna chu,Insukthaunan an hmang a;Mipui an rilo po leh,An lawmna a zuol ting si.
9. Thiempuhai le mipuihai,A chuong a liem an um nawh;An um dan ang chara hreminAn thilthaw thungrul ka tih.
10. "Inthawina sa an fak teu a,Sienkhom an khop chuong naw a;Chi thatna pathien an pan a, Sienkhom an pung chuong si nawh,LALPA an zamsan lei a nih.
11. Nawchizorin an inhmang a,Hrietthiemna inhmang khopin,Uoiin chenin an intal buoi.
12. Ka mihan thing milem bein,Thing bong thu an khukpui a;Nawchizornan thuoi hmangin,An Pathien an nghatsan a.
13. Tlang sip tinah inthawiin,Saisuo thing le beraw thing zar, Tarpin thing buk hnuoia hai,An naunuhai inphalraiin, An mohai khom an uire hlak.
14. An naunuhan nawchi zor a,An mohai an uire khomin,Anni chu hrem tawl naw ning,Nangni ngei hi nawchizorhaiZawl puon inzawnpui hlaktu,Tempula nawchizor ruol leInthawi tlang hlaktu in nih.Hrietthiemna nei lo mihai chu,An tlu se ding hrim annawm.
15. Aw Israel, nang inzor la khom,Juda chu kai zap lul naw rawh.Gilgal le Beth-Aven ah hai,Inthawi din hang fe naw la,Chu chun LALPA hming salin,Siesamin inkham naw rawh.
16. Israel mihai lululzie chu,Bawng la lulul ang an nih.Beram ruol anga khalin,Iengtin am hlobet hmunah,LALPAN intlattir thei a ta?
17. Efraim-in milem a'n zompui a,A chang chang changpui raw se!
18. Zu hmun hlim an chen zo pha,Nawchi zorin an inphalrai a;An roreltuhai thlakhla chu,Thil inzapuium thaw a nih.
19. Thlipuiin fen hmang tawl a ta,An inthawinahai lei chun,Muolphoin la'n zak an tih.
←  Hosea (4/14)  →