←  Hosea (2/14)  →
1. In unaupahai chu 'Ammi' tiin,In farnuhai chu "Ruhuma' ti ro.e Israel hremna le tungdingna
2. In nu hi hal ro, hal mol ro,Ka nuhmei a ni tah naw a,A pasal ka ni tah bok nawh.A nawchizor mitmeng hi peiin,A tang a dor hi bansan raw se.
3. Chuong naw chun a pieng ni a,Saruoka a um ang khan,Saruok derin siem ka tih. Thlaler angin siem ka ta,Ram tawlin inchang a ta,Tui sam dangcharin thing a tih.
4. A nauhai lainat naw ning,Nawchizor nau an ni si a.
5. An nu a ringum naw a,Muolpho taka a pai an nih."Fak le dawn le sil le bil,Sahriek le uoiin mi petu,Ka ngaizawnghai hnot ka tih"Tiin ama chun a hril a.
6. Chuleiin, a lampuiah,Hling bon inzamtir ka ta,Lampui a hmu nawna di'n,Dai sakin hnaw ping ka tih.
7. A ngaizawnghai hnot a ta,Sienkhom hnot phak nei naw nih;Anni chu zong ruoi a ta,Sienkhom tu khom hmu naw nih."Ka pasal hmasa kuomah,Fe kir nawk phot el ka tih,Tuta nek chun kha hmaa,Ka ngirhmun kha a tha lem"Tiin ama chun hril a tih.
8. Baal bieknaa a'n hlan hlak,Bu le uoiin le hriekhai chu,Keima pek ngot a nizie dam,Tangkaruo le rangkachakaVurtu ka ni ziehai khom,A hriet nuom ta hrim hrim nawh.
9. "Chuleiin bu sik hunah,Ka buhai lakpek ka ta,Uoiin thar a sawr hunah,Keiman lakpek vong ka ta,A saruok inkhumna dinga,Ka pek sahmul le pathai,Keiman lakir vong ka tih.
10. A ngaizawnghai mithmuah, Saruokin kei phar ka ta,Ka kuta inthok tu khomin,San suok thei hrim hrim naw nih.
11. Insukhlimna a nei po po,Thla thar lawmhai, chawlnihai,Kut a hmang hlak po po chu,Keiman suktawp vong ka tih.
12. A grep le theichang kunghai,A ngaizawng laka a hlaw suok,Ni dinga a hril hlakhai chu,A rengin sukram ka ta,Thulbukah inchangtir ka ta,Ramsahaiin tlan an tih.
13. Baal hmaah rimtui raw a,Ni a hmang sung zat po chu,Ama hremnan hmang ka tih.Kutsebi le belmawi tinreng,Inbelin ngaizawng a hnot a,Kei ruok chu a mi theinghil si"Ti hi LALPA thu suok a nih.
14. "Sienkhom ama chu zawr nawk ka ta,Thlaler hmunah thuoi ka ta,Biethu inhlan nawk ka tih.
15. A grep huon pekir ka ta,Buoina ruom Akorf khom chu,Beiseina kot inchang a tih. A tleirawl lai nihai angin,Aigupta a suoksan lai ang khan,Chu pha chun lawm hla rem a tih.
16. "Chu ni chun 'Ka lalpa' mi ti loin,'Ka pasal' tiin mi ko tang a tih,Ti hi LALPA thu suok a nih.
17. A hmura inthokin Baal hming,Ka lak hmangpek ding a na,Sam khom sam ta ngai naw nih.
18. Ramsa le chungleng vahai,Hnuoia hring tinrenghai leh,Inremna siempek ka ta,Thalngul, kawlhnam le indonahai,A ramah sukbo ka ta,Him takin cheng tlang an tih.
19. Kumtluonga ka thai dingin,Nei song tang ka ti che a,Fel tak le ringum takin,Hmangaina le lungsietnain,Thaiah pom tang ka ti che.
20. Ringumnan huol ka ti che a,LALPA ka ni hre tang i tih.
21. LALPA chun hieng hin a tih:"Chu ni chun inhong ka ta,Van lakah inhong ka ta,Hnuoi lakah inhong an tih;
22. Bu le uoiin le hriek ta dingin,Leihnuoi chu inhong a ta,Bu le uoiin le hriek hai khom,Jezreelg ta din inhong an tih.
23. Jezreel chu ka ta dingin,A rama chun phun ka ta,Hmangai hlaw ngai lo chungah,Hmangaina suklang ka ta,'Ka mihai' ti hlaw lo chun,'Ka mihai' ti hlaw tang an ta,Annin, 'Kan Pathien' mi ting an tih.
←  Hosea (2/14)  →