←  Hosea (14/14)

---

1.

LALPA i Pathien kuoma chun,Aw Israel, kir nawk ta rawh;I suolna i tluk sietpui a ni hi!

2.

LALPA kuomah hung kir nawk la,Hieng hin thupha hung chawi rawh:"Kan suolna po po ngaidam la,Ngilnei takin mi lo pom rawh, Bawngchala hung inthawi nek a,Kan bau ngeia inpakna inthawi,I kuoma kan inhlan theina dingin.

3.

Asurian a mi san suok thei nawh;Indo sakorin a mi hum thei nawh.Kan kut suok milimhai kuomah,'Kan pathienhai' ti ta nawng kan tih.Fahrahai chun i kuoma inthokin,Lunginsietna an dong hlak si" tiin.

4.

An petekna sukdam ka ta,Ka lungsenna la kieng ka ta,Tiem chin boin hmangai ka tih.

5.

Israel lakah daidaw ang ning ka ta,Ama chu lili angin hung vul a ta,Lebanona sidar thing angin,Nghet takin zung thlak dar a ta,

6.

Dawn thar hung insuong a ta,Oliv thing angin mawi a ta,Lebanon angin rimtui a tih.

7.

Ka hlimah cheng nawk a ta,Bu kung anga hung tal tharin,Grep angin hung vul a ta,Lebanon uoiin ang elin,A hming hung inthang a tih.

8.

Efraim chun milem pathien, Inzawlpui zing ta naw ni a,Keiman donin enkol tang ka tih.Keiman far thing hring angin,Ama chu zar hlieng ka ta,A rahai malsawm ka tih" tiin.

9.

Hieng hi mi var tuin am,An man suok thei ding a na?Lungvar nei tu hrimin am,An hriet thiem thei ding a na? LALPA lampui chu a'n dik a,Mi felhan an hraw hlak a,Mi rilohan an hraw naw leiin,An insui thluk hlak a nih.

---

←  Hosea (14/14)