←  Hosea (13/14)  →
1. Efraim a hang tong pha leh,Israel thla danghai an inthin a,Anni laia ngaisang hlaw a nih.Sienkhom Baal biekna tieng,An hmang suol leiin a thi a.
2. Tuhin an suol deu deu a,Tangkaruo milim an sung a,An milim duong suokhai chu,Themthiemhai siem vong a nih."Mihriemin an inthawi a,Bawngte lim chu an fawp a"Tiin an chanchin an hril hlak.
3. Chuleiin, zing tieusum ang,Zing daidaw ral nawk el ang,Hrizawla bu si inleng darh ang,Tukvera meikhu suok angin,An la hung inchang ding a nih.
4. "Aiguptaa inthok tah khanLALPA in Pathien ka na,Kei naw Pathien dang tu khom,In hriet ngai hrim hrim naw a,Kei naw chu Sandamtu dang,Tu khom an um hrim hrim nawh.
5. Ram lum le sahal hmunah,Thlalerah ka don cheu kha.
6. Ka chawm cheu a, in khop a,In khopkham pha in chapo a,Chu pha leh in mi theinghil si.
7. Chuleiin sakeibaknei angin,In chungah hung tuong ka ta,Keite ang elin lampuiah,Lo inchan ruk ka ti cheu.
8. A te lakpek savom ang elin,Lo beiin pot thler ka ti cheu a,Keipui angin in sa fang ka ta,Ramsa angin pot chen ka ti cheu.
9. "Aw Israel, a thangpuitu che,Nangman i mi do tlat leiin,Suksietin i um a ni hih!
10. A san ding che i lal chu,Khaw lai am a um ta a?In khawpuihai santu dinga,Lal le hotu in hnihai kha,Khaw lai am an um zo ta a?
11. Lungsenin lal ka pek cheu a,Lungsenin ka lak nawk a.
12. Efraim suolna intieng thur chu,Zieka inchik le kol vong a nih.
13. Nauha se ang na invoi a ta,Sienkhom nau a pieng huna,Suok nachang hre lo nau ang,Varna nei lo nau a ni si a.
14. "Seol thilthawtheinaa inthok, Ka'n tlan suok tawl ding am a ni?Thina laka inthokin,Ka san suok tawl ding a ni?Aw thina, khawla'm i hri sie chu?Aw Seol, khawla'm i suksiet theina chu?Lungsietna mitin en ta naw ning,
15. Unau laia hmuingil khom ni sien.Sak tieng thlalera inthokin,LALPA thliin hung nuoi a ta,A tui hnarhai kang chat a ta,A tuikhurhai inhil vong a tih.A ro sienaa rosumhai chu,Hung rok rampek vong an tih.
16. Pathien laka an hel leiin,Samaria khawpuia chenghai chun,An suol man chu intel an ta,Kawlhnamin sam thlung an ta,Hnuoi vuoknan naute hmang an ta,Inraihai phing dawt thler an tih."
←  Hosea (13/14)  →