← Hosea (12/14) → |
1. | Efraim chun thli, bu-ah a ring a,Sunnithlak khawsak thli a hnot a,iKhel le thisen suokna a sukpung.Asuria leh thuthlung a thlung a,Aigupta kuomah hriek a thon a. |
2. | Juda chunga khom LALPAN,Lungni nawna a nei a,Jakob chu a um dan anga hremin,A thilthaw dungzuiin rul a tih . |
3. | Sula an um lai khomin,A unau kekhongah a man a;A puitling hnungin Pathien a buon a. |
4. | Vantirko leh an inbei a,Ama chun a hneban a,Tapin ditsakna a hni a,Ama chu Bethelah a hmu a,Chu taka chun a'n biekpui a. |
5. | A hming chu LALPA a nih,Iengkim LALPA Pathien chu. |
6. | Chuleiin, i Pathien kuomah kir nawk la,Hmangaina le indikna vongin,I Pathien chu nghak zing hlak rawh. |
7. | Kanan mihai ang bokin,Israel mi sumdawnghai chun,Bukna indik lo an hmang a,Mi hlema fakpek an lawm. |
8. | Efraim chun chapo takin,"Ka hausa a, ka neinung a,Ka hausakna po po lei hin,Tu khomin thil suol thawah,Mi'n tum ngam naw nih" a tih. |
9. | " Kei hi LALPA in Pathien,Aigupta rama inthokaThuoi suoktu cheu chu ka nih.Thlalera kut in hmang lai ang khan,Puon inah inchengtir nawk ka ti cheu. |
10. | Zawlneihai ka biek hlak a,Inlarna voi tam ka'n hmutir a,Tekhinthu hmangin ka hril hlak." |
11. | Gilead chu a rilo hle maw?A mihai hmangna bo an nih!Gilgalah bawngchal inhlanin,Milem hmaah an inthawi maw? Leilet sira lung deng bum angin,An maichamhai chu siem ka tih. |
12. | Jakob chu Aramah a tlan hmang a,Israel chun a nuhmei ding hlawin,Sin a thaw a, beram a veng a. |
13. | Aigupta rama inthoka,Israelhai thuoi suok dingin,LALPAN zawlnei a hmang a,A zawlnei hmangin a enkol a. |
14. | Nisienlakhom Efraim chun,Nasa takin a suklungsen a nih.A thisen insuona maw chu,LALPAN a chungah intlaktir a ta,A sukmuolphona po po leiin,LALPAN sukmuolpho veng a tih. |
← Hosea (12/14) → |