←  Hosea (11/14)  →

---

1.

A naupang lai daia inthokin,Israel chu ka hmangai a,Aigupta rama inthokin,Ka nau dingin ka ko suok a.

2.

Sienkhom ka ko inzing po leh,A mi'n hlat zuol sauh hlak si.Baal kuomah an inthawi a,Milem kuomah rimtui an inhlan.

3.

Efraim chu a banah chel a,Lawn dan zirtirtu ka nih;Sienkhom ka keitlei a nizie,Anni chun an hriet si nawh.

4.

Ngilneina hruolhruia keiin,Hmangaina hruiin ka thlung a;An ringkol bat ka hlippek a,Kunin bu ka'n ba tawl a.

5.

Chuong chu a ni sa khomin,An inlamlet nuom si nawh.Aiguptaah kir nawk an ta,Asuria lal hnuoiah kun an tih.

6.

An khawpuiah chemsen inleng a ta,An kul kotkharhai suksieng an ta,An thil tumhai suktawp an tih.

7.

Ka mihai chun mi nghatsan lui,An tum tawk tawk tlat leiin,Chunghnungtak ko hai sien khom,Aman lo uksak naw nih.

8.

Aw Efraim, iengtin hrim am,Thlauthla thei ka ti che a?Aw Israel, iengtin hrim am,Inthla thei ka ti che a?Adma khuo le Zeboim khuo,Ka suksiet ang khan nang khom,Ka suksiet ve ding che maw?Ka lungrilah i cham tlat a,Ka hmangaina che a zuol.

9.

Ka lung inling kei kir ka ta,Efraim sukbo ka tum khom,Hlen tum nawk ta ngai naw ning.Mihriem ni loin Pathien ka na,Nangni laia Mi Thienghlim ka na,Lungsen pumin hung tah naw ning.

10.

LALPA chu zui tang an ta,Keipui angin inrum a tih.Chuong anga a'n rum zat chun,Khawthlang tienga inthokin,A tehai chu inthin pumin,Hung tlan khawm dul dul an tih.

11.

Inthin pumin hung an ta,Aigupta vatehai ang leAsuria vathuhai angin,An in lum inhluotir ka tih"Ti hi LALPA thu suok a nih.

12.

Efraim chun thukhel ringot,A mi hril kuol a mi hril kuol a,Israel sungkuohan mi hlem an hrat a,Juda khomin Pathien Mi Thienghlim,Mi Ringum chu a dodal zing.

---

←  Hosea (11/14)  →