←  Hebrews (2/13)  →
1. Chuleiin, ei thu hriethai kha ei poisa nawk zuol ding a nih, chuong naw chun intol hmang hlauh rawi ei tih.
2. Vantirkohai hmanga thu a hrilhai hman a nghet a, a bawsetu le poisa nawtu taphot chu an phu anga hrem an ni pei si chun,
3. hieng ang lawma sandamna ropui hi ei ngaithaa vai chun ieng tin am hrem chu pumpel lul ei ta? Chu sandamna chu Lalpa ngeiin a hung puong hmasa a, a thu hretuhaiin an mi namnghetpek a.
4. Pathien ngei chun inchikna thilmak le thilmak hrang hranghai chu thawin, Thlarau Thienghlim thilpek chu tul a ti ang peia semin a hung namnghet bok a.
5. Khawvel la hung um ding chu vantirkohai thu hnuoiah a sie nawzie thu ei hril a ni hi.
6. Chuong nek hmanin tuin amanih hieng hin a lo hril kha:"Hringmi hi iem a ni hrim a,I hriet fuk lop lop el ni?Hriem nauhai khom iem an na,I ngaisak em em el ni?
7. Angelb hnuoi thetah siein,Ropuina le chawimawina,Tonlairang i'n tontir a,
8. A ke hnuoiah i sie vong"tiin. A ke hnuoiah iengkim Pathienin a sie leiin ama hnuoia sie naw thil ieng khom a um nawh. Tu ruok hin chu iengkim ama hnuoia um angin ei la hmu hri nawh.
9. Amiruokchu, "vantirko hnuoi theta sie" Isu ruok chun thina a tuor leiin ropuina le chawimawina inkhumtir a ni tah ti ei hmu a, Pathien lunginsietna zarin mi tin ta dingin thina a'n temtir tah a nih.
10. Ama zara iengkim um le ama ta dinga iengkim um bok, a ropuina chang ve dinga nau tam tak thuoi luttu Pathien chun tuorna hmanga sandamna siemtu sukfamkim chu awm a ti hle si a.
11. Mihriemhai sukthienghlimtu le sukthienga umhai chu P� thuhmuna inthoka suok an ni leiin, Isun anni rawi chu "Unauhai" tia ko a'n zak nawh.
12. "Ka unauhai kuomah i hming lam ka ta,Kohranhai lai i'n pakna hla sak ka tih."a ti a nih.
13. Chun, "Amaah ka ringna innghat ka tih"
14. "Naupang" a tihai hi taksa le thisen put an na, ama khom chuong ang bok chu a hung ni ve tah a nih.
15. Chuongchun, thina chunga thuneitu Diebol chu a thina leiin a suktlawm a, dam sunga thi inlau reng renga um hlak, titna bawia intanghai chu a'n suo tah a nih.
16. A hung ngaisakhai hi vantirkohai ni loin Abraham thlahai an ni lem.
17. Chuleiin, a mi lainattu Pathien ta dinga Thiempu Laltak, ringum tak, mi po po suol thupha chawina inhlantu ni ding chu, kong iengkimah a unauhai anga a hung um chu a tul hrim a nih.
18. Ama ngei chu fiena tuor muolsuo tah a ni leiin thlemna tuorhai khom a thangpui thei a nih.
←  Hebrews (2/13)  →