←  Habakkuk (3/3)    
1. Zawlnei Habakuk tongtaina, Sigionot thluka rem ding.
2. LALPA, i ri ka lo hriet a,I thilthawhai chu maktiin,Rapum ka ti hlak, LALPA.Kan huna khom thaw nawk la,Kan hunah inhriettir nawk la,I lung a sen hlea chuI zangaina kha hre zing rawh.
3. Teman-a inthokin Pathien a hung,Paran tlangpuia inthokin,Mi Thienghlim chu a hung ie.A ropuinan van a tuom a,A'n paknain hnuoi a sip.
4. Ni suok angin a mawi ropui,A kutah ni zung a suok,A hratna a thupruknaa inthokin.
5. A hmaah hrileng a fe a,A hnungah hripuiin a zui.
6. A ngir pha hnuoi a'n hning a,A ngha pha hnamhai an inthin.Tlang hlunhai an chim thla a, Muol hlunhai an koi dar a.A hratnain chatuon a dai.
7. Kus-hai puon inah buoina ka hmuh,Midianhai chengnaah lungngaina;Thlaphangin an inthin hawp a.
8. Aw LALPA, vadunghai chun,An suklungsen che am a ni?Tuipui le tuifinriethaiin,I lung an sukling am a ni?I sakor chungah chuong a,Hnena tawlailira i chuong khan,Tuipui lakah i lung a sen maw?
9. I thalngul i hung phor a,Thal tam tak i'n laktir a,Varuom ding hnuoi i kap kak a.
10. Tlanghan hmuin an inkon a,Tuipui insokin an inrum a,Insang takah an invor dar.
11. I thal inleng nuoi nuoi le,I fei tle zor zor an hmuin,Vana ni le thla hai chu,Che chang loin an ngir zing.
12. Lung chokin hnuoi i pal zut a,Lungsenin hnamhai i chil a.
13. I mihai chu san suok dingin,I hriek nalhai san suok dingin,Nangma i hung inthok suok a.Ram riloa an thuoitu chu,A lu ru i vuok koi a,Saruok kelin i siem a.
14. Keini mi phin dar dinga,Thlipui anga hung inthok,A mi huoisen hung tirhai,Mi rethei inbi khawmhai,Dol vong dinga inhrilhai chu,Nangman a fei zum hmangin,An luah i thil tlang a.
15. I sakorhan tuipui palin,Tui an chil so but but a.
16. A ri hrein ka sung an thin, Ka hmur a'n lap dor dor a,Ka ruhai a moi zo a,Ka ke an thin hlop hlop a.Mi runtu hnamhai chunga,Sietna a tlung ni ding chu,Nghakhla takin thlir ka tih.
17. Theichangin ra insuo loin,Grep hruiin ra insuo loin,Oliv kungin ra insuo loin,Loin bu thar insuo loin,Beram huonga inlawi um loin,Bawng inah ran um naw sien khom,
18. LALPA-a chun hlim pei ka ta,Mi sandamtu Pathiena chun,Ka lawm pei ding a ni si a.
19. Lalpa PATHIEN chu ka hratna,Zukpui anga ka ke sukhrattu,Hmun sanga mi'n tlattirtu a nih.(Hlapawl thuoitu ta dingin: tingtang hrui rimawi le rema sak ding)
←  Habakkuk (3/3)