←  Habakkuk (2/3)  →
1. Ka ralvengna bukah kai ka ta,Kul chungah nghak zing ka ta,Ka nuorna thuah iengtin am,A mi hung don nghak ka ta,Ka donna ding ngaituong ka tih.
2. LALPAN hieng hin a hung don a: "Inlarna thu hi lungah ziek la,Tlangsamin a tlanpui phaa,Fie kuoua hmu theiin ziek rawh.
3. Inlarna hi tlung nghal naw nih.A tlung hunbi ding ruot a na,
4. "En ta, mi chapo inpam puom hi!A lungril nuom zawng a lutinle;Mi fel ruok chu a ringnain hring a tih.a
5. Hausaknab hi hlemhmang a na,Mi chapo khomin sawt a dai nawh.Thlan angin a bau a ka zing a,Thina angin khop tik a nei nawh.Mi po po a lak khawm a,Sal dingin a man khawm hlak.
6. Mi po poin ti-el le hmusitin,'A thil inrukhai bum hnur a,
7. I leibatnahai hung tuongin,Hung thin thut an ti che a,Suklungzing an ti che a,An kuttum la tuor i tih.
8. Hnam tam tak i rok tah a, Mi thisen insuo i hmang a,Ram le khawpuihai i suosam a,A sunga chenghai i rawt leiin,A damhan soisa veng an ti che.
9. "Hlepruka sungkuo indin a,Mi suol kut tuor pumpel tum a,Insawng bawla bu khuortu chu,A chung a va pik ngei de!
10. Mi tam tak sietna dinga,Thil tha lo i phier lei khan,I insung i sukmuolpho a,I nun i chan pha bok a nih.
11. Lung banghai khek suok an ta,Tlungpumhan hril sawng an tih.
12. "Thisena khawpui indintu leTuolthata khuo suknghettu chu,A chung a va pik ngei de!
13. Kang hmang el ding in bawlin,Mihai chun sin an inrim a,Chuonga inrim thlawn dinga, A hnam pum inthawtirtu chu,Iengkim LALPA a ni naw maw?
14. Tuipui hi tuia a sip angin,LALPA ropuizie hrietna chun,Hnuoi hi la sip vong a tih.
15. "Mi saruokna hmu nuoma,Tuolbawmhai uoiin pe a,A bura inthoka thlit a,An inrui chena hraitu chu,A chung a va pik ngei de!
16. Mi ngai ropui hlaw nekin,Inzaknan la sip i tih.Tu'n i hun a tlung ve ta a,Dawn la, pai la, muolpho rawh.LALPA kuta a no chun,A hung hnai mek ta che a,I ropuina chu muolphonan,La hung inkhum vong a tih.
17. Lebanon i suosam angin,Suosamin um veng i ta,I sukboral sahai ang khan,Sukthlabar ni veng i tih:Mihriem thisen insuo a,Ram le khawpui le a chenghai,An renga i suksiet leiin.
18. "Milemin iem hlutna a nei?Mihriem siem fawm el a nih.Khel zirtirtu milim khomin,Hlutna ieng am a nei a?A siemtuin ama siem fawm,Tong khom tong thei hlei lo thil,A ring chop mei mei a nih.
19. Thing kuomah, "Har rawh" ti a,Hringna nei lo lung kuomah,'Tho rawh' tia betu chu,A chung a va pik de aw!Chu chun iem a kawkhmu ding?Rangkachak le tangkaruoa luon,Thuok nei lo a ni si a.
20. A tempul thienghlima chun,LALPA ruok chu a cheng a,A hmaah hnuoi pumpui hi,To thiepin um raw hai se."
←  Habakkuk (2/3)  →