Habakkuk (1/3) → |
1. | Zawlnei Habakuk thu dong chu: |
2. | Ieng chen hiel am Aw LALPA,Thangpui ngena ka kona hi,Ngaithla loin i um ding a na?"Inpawngnekna!" ti'n ka khek a,Mi san suok di'n i hung si nawh. |
3. | Ieng leiin am thil indik lo,I mi'n hmutir zing am a na?Ieng leia thil poi i ngai thei am?Sietna le inpawngneknahai,Ka hmaa hin ka hmu zing a,Innghirnghona le inkhakna a tam. |
4. | Danin kong ro a suk ta naw a,Indikna'n hmun a chang ta nawh.Mi suolin mi fel an inhuol a,Indikna a lutinle zo tah. |
5. | "Hnam danghai hi enin thlir la,Nasa takin makti rawh:I dam lai ngei thawng ka ta,Chu chu mi'n an hril pha che,Awi khom awi nuom naw ti nih. |
6. | Hnam tawrot le dawn tawi tak,Mi dang chengna hmunhai run a,Hnuoi khang dapa phit faitu,Kaldai mihai ka chok tho mek. |
7. | Mi tisim le pangzat kai an na,An thaw dan dan chu dan a na,Anni tanghma chauh an ngaituo. |
8. | An sakorhai hang hratzie chu,Keite neka tuonrang an na,Thimbuta satene nek khomin,An tium lem dai a nih.An sakor chungchuonghai chu,Ram hla taka inthokin,Hrat takin an hung tlan a,Ar la ding mupui angin, Ding takin an hung inbir thla. |
9. | Mi run dinga hung an nih.Thlaler thli ang an hung hrang a,Tieu anga tam sal an man khawm. |
10. | Lalhai chu an hung palzut a,Roreltuhai an nuizatbur a,Kul khuo iengah an ngai naw a,Inhuolna ding pil an deng pawng a,Kulhai chu an lak zung zung a. |
11. | Thlipui angin an hung nuoi a,Hma an tawn tlang pur pur a.Sienkhom thiem naw phur an nih,An hratna chu pathiena an nei leiin." |
12. | Aw LALPA, chatuona miI lo ni naw hrim am a ni?Ka Pathien, ka Mi Thienghlim,Thi hmang naw ning ungah.Aw LALPA, i rorelna hlen dinga,Anni chu i ruot an na,Keini mi hremtu dingaI ruot an nih, Aw Lungpui. |
13. | Thil tha lo enna dingin,I mit a thienghlim taluo a,Thil tha lo i ngai thei nawh.Chuong chu ni siin ieng dinga,Dawhaa che hlak mihai hi,I ngai thei tawl am a na?Mi rilohaiin mi felhai,An lem zo duok duok lai khan,Ieng dinga i to zing am? |
14. | Tuipuia nga le rannunghai,Roreltu nei lohai ang chaua,Ieng dinga mihriem hi i siem? |
15. | Hmelma rilo chun ngakuoiin,Anni chu a khai dok a,A lenin a man tawl a,A lenkhangin a fun khawm a,Chuleiin hlimin a lawm. |
16. | Chuleiin a len kuomah,Inthawinahai a'n hlan hlak a,A lenkhang kuomah rimtui;A len leia hnienghnar a na,Fak ding inhnik petu a nih. |
17. | A len chu bun ruok zingin,Lungsietna nei der loin,Hnamhai a suksiet ding maw? |
Habakkuk (1/3) → |