← Genesis (49/50) → |
1. | Chun, Jakob chun a naupahai chu a ko khawm a, an kuomah, "Thil la hung tlung dinghai ka hril theina ding cheuin hung inkhawm ro. |
2. | Nangni Jakob nauhai, hung inkhawm unla, ngaithla ro. In pa Israel thu hi ngaithla ro. |
3. | "Reuben, nang hi ka nau lutir, Ka thilthawtheina, ka hratna ra hmasa tak, Hmingthang le thilthawtheia mi khum thei i nih. |
4. | Amiruokchu, tui anga so but i ni leiin,Mihai khum ta ngai naw ti nih. I pa khumpuiah i kai a, Ka zalna khum ngei el chuI mi sukporchepek si a. |
5. | "Simeon le Levi hai unau kawlhnam chu,Nunrawngna hriemhrei a nih. |
6. | An inrawn khawmnaah fe nawng ka ta,An inkhawmnaah thang ngai naw ning. An lungsen pha mi an that a,Bawngchal zaper an sat tan a; |
7. | An lungsenna intur tak chu,Tongsie phurin um raw se;An lungturuk rawng tak el chu,Tongsie phurin um bok raw se. Jakoba chun the dar ka ta,Israela chun sukdar ka tih. |
8. | "Juda, nang chu i unauhaiin,Inpak hlak an ti che;I kut chun i hmelmahai ringah,Inrektir hlak a ti che a,I pa naupahai po po chu,I hmaah hung kun an tih. |
9. | Aw Juda, sakeibaknei te ang i nih,Ka naupa, i sa ve lai i hung kir;Sakeibaknei sa inchan angin i bok a,Keipui bok lai ang elin,Tuin am an suktho ngam ding che? |
10. | Lal hmol chu Juda laka inthokin,Lak hmang ni ngai naw nih;A neitu tak a hung inlang pha a,Hnam tinin a thu an awi chenin,Juda ke kara rorelna hmol chu,Lak hmang ni ngai naw nih. |
11. | A sabengtung chu grep hruiah thlung a ta,A sakor tuoi chu a ditna kau takah thlung a tih. A silfenhai uoiin-in sawp a ta,A korfuol chu grep senin sawp a tih. |
12. | A mit chu uoiin nekin dum lem a ta,A ha chu bawngnene nekin var a tih. |
13. | "Zebulun chu tuipui kamah um a ta,Long chawlna vakam ning a ta,A ramri chu Sidon chen inzar a tih. |
14. | "Isakar chu sabengtung zangru chang tak,Ip pahni kara bok ang a nih. |
15. | Chawl chu thain a hriet a,A ram inhoizie khom a hriet bok.Sienkhom rikphur dingin liengko a daw a,Mi sor luiin a hung um tah. |
16. | "Dan chun a mihai chungahIsrael hnam a nina anginIndik takin ro rel a tih. |
17. | Dan chu lam sira rulpui,Lampuia rulriel ang el,A chunga chuong bin let khop a.Sakor kea chuk hlaktu ang a nih. |
18. | "I sansuokna ka nghak zing, LALPA. |
19. | "Gad chu ralin hung bei an ta,Ama chun hnot thlur tawl a tih. |
20. | "Aser hi a fak thang a ta,Lal fak chi anga thil inhnik,Amain siem suok a tih. |
21. | "Naftali chu sazukpui insuo,Te nal tak tak nei hlak ang a nih. |
22. | "Josefa chu grep ra nuom ang,Tuikhur bula ra kur thluk ang,Banga inzam kai dul ang a nih. |
23. | Theidain thalpui leh an bei a,An kap a, a hnaw tom a; |
24. | Sienkhom a thalngul a khau zing a,A ban th� a hrat zing bok,Jakob Mi hratkhawkheng kut le,Israel Lungpui le Berampu lei chun; |
25. | I pa Pathien, thangpuitu che,Iengkimthawthei malsawmtu che,Van malsawmna vur hlaktu che,Lipui rila malsawmna petu cheNene le sul malsawmna petu che leiin. |
26. | I pa malsawmpekna che hi,A ropui lem tlang hlunhai nekin,Tlangpui hnienghnarna nek daiin. Chuong po po malsawmnahai chu,Josefa lu sipa chun innghat raw se,A unauhai laia lal a ni si a. |
27. | "Benjamin chu satene hnukrawl ang,Zing karin a sa se a fak a,Zan tieng a rallak a sem hlak"tiin. |
28. | Chuonghai po po chu Israel hnam sawm le hnam hnihai chu an na, an nina ang pei le inmila an pain an chungthu hrila mal a sawmpek dan chu a nih. |
29. | Chun, an kuoma hieng thuchahai hi a pek a: "Ka chipuihai kuomah thuoiin ka um vak ding a ni ta a. |
30. | Hit mi Efron loa puk, Kanan rama Mamre zawna Makpela puk, Abrahamin Hit mi Efron kuoma inthoka inphumna dinga a lo chopa a'n chawka chun mi phum ro. |
31. | Chu taka chun Abraham le a nuhmei Sari an phum a; Isak le a nuhmei Rebek an phum a, Leah an phum bok a. |
32. | Lo le a sunga puk um chu Hit mihaia inthoka a'n chawk a nih" a ta. |
33. | A nauhai kuoma thu a'n cha zo chun a ke chu khumah a hlang kai a, a thlarau an thla a, a chipuihai kuoma chun thuoiin a um ve ta a. |
← Genesis (49/50) → |