Ezekiel (28/48)  

1. LALPA thu chu ka kuomah a hung tlung a.
2. "Mihriem naupa, Tura lal kuomah hieng hin hril rawh, 'Lalpa PATHIEN chun hieng hin a tih: I lungril a chapo a,"Kei hi pathien ka nih,Tuipui laili lai takah,Pathien thungnaah ka'n thung"Tiin i hril a ni kha!Pathien anga var hielin,I lo inngai a ni khomin,Mihriem ve el chauh i na,Pathien i ni hrim hrim nawh.
3. Daniel nekin i var lem maw? Thu thup i hriet vonga maw?
4. I varna le i hriet thiemnain,Hausakna i khawl khawm a,I robawmah rangkachak leTangkaruo i hlu lut rawn hle.
5. I sumdawng thiemna leiin,I hung hausa ta hle a,I hung hausa ta leiin,I hung chapo tah a nih.
6. Chuleiin, Lalpa PATHIEN chun,Hieng ang hin a ti a nih:Pathien anga var hiel a,I hung inngai ta leiin,
7. Nangma hung beitu dingin,Hnam dang mi tibaium tak,I kuomah hung tir ka ta,I varna chungah kawlhnam,Inlet khum an ti che a,I ropuina sun tlang an tih.
8. Khurah hnuk lut an ti che a,Tuipui rilah rawng takin,An that ding che a ni si.
9. A thattu che hmaa chun,"Pathien ka nih" i ti ngam ding? A thattu che kuta chun,Pathien ni naw ti ni a,Mihriem el ni lem i tih.
10. Ram dang mihai kuta chun,Ser tan lo thiin thing i tih'Lalpa PATHIENIN a tih.
11. Chun, LALPA thu chu ka kuomah a hung tlung nawk a.
12. "Mihriem naupa, Tura lal sunna hla insam la, a kuomah hieng ang hin hril rawh: 'Hi hi Lalpa PATHIEN hril chu a nih:Varna le hmel thatnaa,Famkim tling zo i ni khah!
13. Pathien huon Edenah chengin,Lunghlu tinreng i'n bel a,Rubi, topaz, emeral,Krisolit, onik le jaspi,Safir, torki le beril haiin,Lunghluhai belna ding chu,Rangkachaka siem a na,Siema i um ni ngei khan,Chuonghai chu buotsai a nih.
14. Vengtu cherub ni dingin,Hriek khom ka nal diem che a,Chu dinga namnghet i nih. Pathien tlang thienghlimah umin,Lunghlu inling chungah i leng.
15. Siema i uma inthokin,Ritlona i thaw hma po khan,Soisel boin iIkhawsa hlak.
16. I sumdawngna a hung lien a,Inpawngneknan i hung sip a,Suolah i tlu lut ta si.Pathien tlanga inthokin,Hnawlin ka hnot suok che a;Vengtu cherub-a ka ruot ni la khom,Lunghlu ling laia inthokin,Ka hnot suok che a ni kha.
17. I hmel thatnan lungrilah,Chapona a pek che a,I varna khom i ropuinan,A hung sukkhawlo vong a;Hnuoiah ka pei thlak che a,Lalhai hrilfak tling khopin,Ennuomah ka siem che hi.
18. Fel lo taka sumdawnga,Suol tam tak i thaw leiin,I hmun thienghlim po po chu,Tirdakumah i siem a,Chuleichun nangni sungah,Mei ka hung insuoktir a,Chu chun a kang hmang che a,A thlir taphot mithmuah,Meivamah ka'n changtir che.
19. A hretu che hnam tinin,Maktiin pangzat an ti che,I tawp dan a rapthlak em a,I bo song ding a ni si" tiin.
20. LALPA thu chu ka kuomah a hung tlung a:
21. "Mihriem naupa, Sidon khuo tieng ngha la, a chungthu ding hieng hin hril rawh:
22. Lalpa PATHIEN chun hieng hin a tih:" Aw Sidon, ka khing che a nih;I sungah chawimawi ni nawk ka tih.Hremna ka'n tlun zo phaa,Ka thienghlimzie ka'n entir pha,LALPA chu ka nizie hrieng in tih.
23. Hripui inlengtir ka ta,Kotthlerah thisen luong a tih.A sungah ruong tlu phung a,Sir tinah kawlhnam a'n leng pha,LALPA chu ka nih ti hrieng an tih.
24. "Chun, hling buk le hling zum anga Israel sungkuohai na taka sun hlaktu tuolbawm suol um ta naw ni hai. Chu pha chun Lalpa PATHIEN chu ka nih ti hung hre tang an tih.
25. "Lalpa PATHIEN chun hieng hin a tih: An um darna ram tina inthoka Israel sungkuohai ka thuoi khawm pha chun, hnam tin mithmuah Israelhai lai ka thienghlimna inentir ka ta, chu pha chun Jakob kuoma ka pek, an ram ngeia chun cheng tang an tih.
26. Chuongchun, him takin um tang an ta, inhai bawlin grep huonhai siem an ta; anni sukse tumtu, an vela cheng hnamhai ka hrem pha chun muong takin um tang an tih. Chu pha chun kei hi LALPA an Pathien chu ka nih ti hre tang an tih" tiin.

  Ezekiel (28/48)