←  Ezekiel (27/48)  →
1. LALPA thu chu ka kuomah a hung tlung a.
2. "Mihriem naupa, Tura sunna hla insam rawh.
3. Sumdawng hnamhai le tuipui kam ram tam tak hnaia tuipui suoa um Tura chungchang chu, hieng ang hin Lalpa PATHIEN chun a tih tiin Tura kuoma chun hril rawh:'Aw nang Tura,"Ka mawi famkim" i ti kha maw!
4. I chetna chu tuipui lien a na,A siemtuhai che khomin,Mawi famkim di'n an duong che.
5. Senirj far thingin an siem che a,I ngula hmang ding khomin,Lebanon sidar ngat a nih an hmang.
6. Zapna hmola i hmang dingin,Basan saisaw thing an hmang. I tuong khom Kuprak kaia inthoka,Far thing an hung tol a nih.I long khandar po po khom,Saihaa cheimawi a nih.
7. Long puonzara i hmang khom,Aigupta puon chei a na,Chu chun i'n chikna a chuong.Puon rong dumpawl le senduk,Elisa kaia inthoka lak chu,Hliepzarah i hmang bok a.
8. I long kartuhai po po chu,Zidon le Arvad mi an na,I long khal thiemhai po po khom,Tura khaw mi vong an nih.
9. I longa chun Geball mi un,Long thol le char nghettu ding,Mi themthiem ruol an um a. Tuipuia long le a puhaiin,Hung panin an dawr hlak che.
10. Persia, Lydia le Libya mihai,I sipaiah an thang tawl a,I banga an phaw le lukhum,An tarhai chun a sukmawi che.
11. I kul chu a sir tuokin,Arvad le Helek-han an veng a,I kulbing sang tieng po chuGamad mihan an veng bok.Bangah phaw an khai tuor a,I hming sukmawitu an nih.
12. Dawr thuomhnaw i hau leiin,Tarsis-hanm an hung dawr che a,Tangkaruo, thir le suonhai,Thuomhnaw manah an pek che.
13. Grik,n Tubal le Mesek ramhan,Sal le dar bur le bel chawiin,An hung dawr hlak bok che a.
14. Chuongna le tawlailira hmang ding,Sakor le sabengtung chawiin,Togarma-haiin an hung dawr che.
15. Dedan mihan an hung dawr che,Tuipui kama ram dang khomin,Saiha le eboni thing hung chawiin.
16. Dawr thuomhnaw i hau leiin,Edom mihan an hung dawr che,Lungmantam hai, puon senduk hai,Thuichei puon hai, puon zai inhmi hai,Kawral le rubi belmawihaiin.
17. Juda le Israelhan an dawr che,Minit-a inthoka huit dam, Theichang em tawl dam,Khuoizu dam, oliv hriek dam,Thing hnai damdawi dam chawiin.
18. Thilsiem chi hrang hranghai leDawr thuomhnaw i hau leiin,Helbon uoiin le Zahar sahmulin,Damaska khomin a hung dawr che.
19. Uzala Dan le Grik mihai khomin,Thir le thingzungthakhai dam,Mafu rimtui damin an hung dawr che.
20. Dedanhai chun sahmul puonpha lum,Chawiin an hung dawr hlak che.
21. Arabia mihai le Kedar lalhan,Beramte le beramchal dam,Kel dam keiin an hung dawr che.
22. Seba le Rama mihaiin,Rimtui tha tak, lungmantam leRangkachak firin an hung dawr che.
23. Haran le Kanne le Eden mihai,Seba, Asur le Kilmad ramaSumdawnghan an hung dawr che.
24. Silfen mawihai, puon dumpawlhai,Thuichei puonhai, karpet rong hrang hrang,Pat thlura det taka tahai chu,Chawiin an hung dawr hlak che.
25. Tarsis long ruol po po chu,I thuomhnaw phurtu an na,Tuipuiah an intlon duol duol a,An phur khom a rik tawl hle.
26. Sienkhom long khaltuhaiin,Tui fawnah an khal lut che;Tuipui laili lai taka chun,Khaw sak thliin hung notin,A nuoi phit ding che a nih.
27. I hausakna, dawr thuomhnaw,Long mihai le long khaltuhai,Long siemtu le chartuhai,Sumdawngtuhai le sipaihai,Long sunga um po po leh,Long siet i tuok ni pha chun,Tuipuiah pil vong in tih.
28. I long khaltuhai khek ri chun,Va kama mihai sukthin a ta,
29. Long karna hmol cheltuhaiin,Long chu tlansan vong an ta,Long khaltu le long mihai chu,Va kama chun ngir an tih.
30. I chungah tap rawl insuoin,Lung na takin tap khum an ti che.An luah pilvut phul an ta,Vut lai zalin inbuol an tih.
31. Nangma leiin lu met kol an ta,Saiipin inthuom an ta,Lungna takin tang an ti che a,I pur inrim takin do an tih
32. Lungse vankaiin tap an ta,Sunna hla dam phuok an ta,
33. I thuomhnawhai chu tuipuiah,An thon suok chang hnamhai an tlai.I sum le pai le thuomhnawhan,Hnuoi lalhai i sukhausa hlak.
34. Sienkhom sietna i tuok ni khan,Tuipui rilah i pil hmang a,I sumdawngna thil po po khom,Nangma ruolin an thamral tah.
35. Tuipui kama cheng po poin,An pangzat huoi huoi che a,An lalhai an inthin hawp a,Titnan an hmai a sawm kon vong.
36. Hnam tin laia sumdawngtuhan,An inchek khum tlok tlok che;I tawp dan a rapthlak em a,I bo song ding a ni si" tiin.Tura lal chungthu hril lawkna
←  Ezekiel (27/48)  →