←  Ecclesiastes (7/12)  →

---

1.

Hming tha hi a hlu lem,Hriek rimtui to tak nekin,Thi ni khom pieng ni nekin.

2.

Ruoithena ina fe nekin,Lusun ina leng a tha lem;i tin hi la thi ding vong ei na,Chu chu dam laia ngaituo a tha,

3.

Innui nekin lungngai a tha lem,Ngui hmelin lungril a tawk.

4.

Mi var chun lusunhai a ngaituo a,Mi invet chun hlimhlopna ngot.

5.

Mi invet inpak hlaw nekin,Mi var zilhau hlaw a hlu lem.

6.

Mi invet innui thek ri chu,Thuka hling intek ang a na,Sawtnawteah a re nghal hlak.Hi khom hi iengma lo a nih,

7.

Lakluina hin mi var a sukvet a,Thamna chun lungril a sukporche.

8.

Zo hi tan nekin a tha lem a,Dawthei khom lungril chapo nekin.

9.

Lungsen insum thei a tha,Invet chun lungsenna a pai zing.

10.

"Tu lai nekin tien lai hun kha,Ieng leia a'n hoi lem am a na?" iin indon ngai naw rawh,Chu chu thil var thlak a ni nawh.

11.

Varna hi rochan angin a hlu a,A dam lai ta dinga hlawkna a nih.

12.

Varna hin tangka ang bokin,A neitu nun a hum thei a,Varna chun a neitu nun a vong him,Chu chu hrietna hlawkna chu a nih.

13.

Pathien thilthaw dan ngaituo ro,A siem kawi chu tu'm suktlun thei?

14.

Thatnia chun hlim la,Sietniaah inngaituo rawh,Pakhat chu a dang ang bokaathien siem ve tho a nih.A ieng lem am a hung tlung ding,Mihriemin a hriet thei si nawh.

15.

Ka hringnun iengma lo sung hin,Hieng hi ka tong ve ve tah:Mi indik, a felna leia bohmang,Mi rilo, rilo taka nun hmang,Sienkhom dam sawt vieu bok si.

16.

Insukfel taluo naw la,Insukvar taluo bok naw rawh;Ieng leiin am i'n suksiet ding?

17.

Rilo taluoin um naw la,Invet biling bok naw rawh;I thi hun hma'n i thi ding maw?

18.

A taluo thil hrim hrim chu,A ieng khom thaw a tha nawh.Pathien tituhai ruok chun,Thil inbuk tawk an hriet hlak.

19.

Varna chun mi pakhat chauh khom,Khawpuia roreltu sawm nekin,Thilthawthei lemin a siem hlak.

20.

Thil indik chauh thaw hlak mi, Thil suol thaw ngai der lo tu khom,Hi hnuoiah hin an um nawh.

21.

Mi hril nazong bengkhon naw rawh,I siehlaw tongsie inphur che hre pal i tih;

22.

Tongsie mi i'n phur rukhai khom,Nangma ngeiin i hriet zing kha.

23.

Hieng po po hi varna hmangin,Ka lo fie chieng vong tah hlak a;'Kei khom var tang ka tih' ka ta,Sienkhom a lo thei teu si nawh.

24.

Ieng ang varna khom ni sien,Inril le inthuk tak a ni vong a,Tu'n am hmu suok phak an ta?

25.

Chuleiin, varna le thil niphung hai,Hre a, bi a, zong suok tumin,Ka lungrilin ka dap vel a;Ritlona hang intlawkzie dam leMawlna hang invetzie dam chu,Hriet thiem tumin ka bei bok a.

26.

Thina neka kha lem ka hmu chu:Tokdara thang nuhmei a nih.A lungril chu chang a na,A kut chu thirkol a nih;Pathien suklawmtu chun pumpel a ta,Mi suol ruok chu man bet a tih.

27.

Thuhriltu chun, "En ta u,Ka thil hmu suok chu hi a nih:Thil niphung hmu suok ding chun,Sir tina en chieng a tha hlak.

28.

Ka hmu hma khat ka zong a,Pasal sangkhat lai mi ngil,akhat vel chu ka hmu a,Nuhmei lai chu ka hmu nawh.

29.

Hi hi a nih ka hmu suok chu:Tluongngil taka khawsa dingin,athienin mihriem a siem a,Sienkhom thil dang dang zongin,An kawi hmang ta seng a nih.

---

←  Ecclesiastes (7/12)  →